آئی جی پنجاب سے پولیس ملازمین و اہلخانہ کی ملاقات، ریلیف کیلئے احکامات جاری

بدھ 20 اگست 2025 22:50

لاہور (اُردو پوائنٹ اخبارتازہ ترین - اے پی پی۔ 20 اگست2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور ان کے اہلخانہ نے سنٹرل پولیس آفس میں ملاقات کی، پولیس ملازمین کے مسائل سنے اور فوری ریلیف کیلئے احکامات جاری کیے۔ ترجمان کے مطابق آئی جی نے سب انسپکٹر کلیم اللہ کی پروموشن کی درخواست پر ڈی آئی جی اسٹیبلشمنٹ ون کو ریلیف کی ہدایت کی۔

(جاری ہے)

اسی طرح آئی جی پنجاب نے شہید کانسٹیبل آصف علی کے بیٹے کی بھرتی کی درخواست پر اے آئی جی ایڈمن ، شہید کانسٹیبل فرخ عمران کی والدہ کی مالی امداد اورشہید کانسٹیبل محمد نعمان کے والد کی مالی امداد کی درخواستوں پر ڈی آئی جی ویلفیئر اینڈ فنانس کو ریلیف فراہم کرنے کی ہدایت کی۔ترجمان کے مطابق آئی جی پنجاب ڈاکٹر عثمان انور نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کئے۔