ایف آئی اے بلوچستان زون کی کارروائی ، حوالہ ہنڈی اور غیرقانونی کرنسی ایکسچینج میں ملوث ملزم رنگے ہاتھوں گرفتار

جمعرات 21 اگست 2025 13:34

کوئٹہ (اُردو پوائنٹ اخبارتازہ ترین - اے پی پی۔ 21 اگست2025ء) وفاقی تحقیقاتی ادارے (ایف آئی اے )نے حوالہ ہنڈی اور غیرقانونی کرنسی ایکسچینج میں ملوث ملزم کوگرفتارکرکے 30لاکھ سے زائد مالیت کے غیرملکی کرنسی برآمدکرلی ۔

(جاری ہے)

ترجمان ایف آئی اے کے مطابق ایف آئی اے بلوچستان زون نے کارروائی کرتے ہوئے حوالہ ہنڈی اور غیر قانونی کرنسی ایکسچینج میں ملوث ملزم شبیر احمد کو کوئٹہ سے گرفتار کیا ۔ ملزم سے 5100 امریکی ڈالر، 20100 افغانی ،3 کروڑ 41 لاکھ سے زائد ایرانی ریال اور 15 لاکھ سے زائد پاکستانی روپے بھی برآمد ہوئے ۔ ملزم برآمد ہونے والی کرنسی کے حوالے سے حکام کو تسلی بخش جواب نہ دے سکا، اسے گرفتار کر کے تفتیش کا آغاز کر دیا گیا ۔