پی ٹی آئی قیادت کابانی پی ٹی آئی کا پیغام محمود خان اچکزئی کو پہنچا دیا گیا

جمعرات 21 اگست 2025 17:30

اسلام آباد(اُردو پوائنٹ اخبارتازہ ترین - این این آئی۔ 21 اگست2025ء)پاکستان تحریک انصاف کی مرکزی قیادت کی جانب سے بانی پی ٹی آئی کا پیغام محمود خان اچکزئی کو پہنچا دیا گیا۔اپوزیشن ذرائع کے مطابق محمود اچکزئی کو پی ٹی آئی قیادت نے اپوزیشن لیڈر سے متعلق بانی کے فیصلے سے آگاہ کیا۔

(جاری ہے)

اس حوالے سے پی ٹی آئی رہنما علی محمد خان نے بتایاہے کہ اپوزیشن لیڈر سے متعلق بانی پی ٹی آئی کا فیصلہ حتمی ہے۔ انہوں نے کہاکہ پہلی کوشش ہے عمر ایوب اور شبلی فراز کو عدالت سے جو ریلیف ملا اس سے فائدہ اٹھایا جائے، اگر عمر ایوب اور شبلی فراز واپس نہیں آتے تو ان کی جگہ نئے افراد کو لگایا جائے گا۔