بھارت میں عیسائیوں کے خلاف بڑھتا ہوا تشدد ، انسانی حقوق گروپوں کا اظہار تشوی

جمعرات 21 اگست 2025 17:44

نئی دہلِِی (اُردو پوائنٹ اخبارتازہ ترین - اے پی پی۔ 21 اگست2025ء) بھارت میں بی جے پی کے برسراقتدار آنے کے بعد سے مسلمانوں اور دیگر اقلیتوں کے ساتھ عیسائیوں کے خلاف بھی تشدد میں خطرناک حد تک اضافہ دیکھنے میں آیا ہے جس پر انسانی حقوق کی تنظیمیں سخت تشویش کا اظہار کر رہی ہیں ۔ حقوق کی عالمی تنظیمیں خبردار کر رہی ہیں عیسائیوں سمیت اقلیتوں پر منظم حملے ملک کی سیکولر اور جمہوری بنیادوں کو کھوکھلاکر رہے ہیں۔

کشمیر میڈیا سروس کے مطابق تبدیلی مذہب کے خلاف قوانین نافذ کرنے والی ریاستیں ظلم و ستم کا مرکز بن چکی ہیں۔ عیسائیوں کو ہجومی تشدد، جھوٹے الزامات کا بڑے پیمانے پر سامنا ہے اور انکی عبادت گاہوں کو تباہ کیا جا رہاہے۔ اقلیتی برادریوں پر وحشیانہ ظلم وستم انسانی حقوق کے عالمی معاہدوں اور اصول وضوابط کی سنگین خلاف ورزی ہے۔

(جاری ہے)

مبصرین نے کہاکہ ہندو قوم پرست طاقتیں اقلیتوں کو نشانہ بنانے کے لیے ریاستی مشینری کا بھر پور استعمال کر رہی ہیں جبکہ مجرموں کو قانون کے کٹہرے میں نہ لانے سے انہیں اپنا وحشیانہ عمل جاری رکھنے کی شہ مل رہی ہے۔

انسانی حقوق کے بین الاقوامی ادارے اقلیتوں پر ان زیادتیوں کے خلاف آواز اٹھا رہے ہیں اور خبر دار کر رہے ہیں کہ بھارت کا یہ طرز اس کے سیکولر نظریات کے بالکل منافی ہے ۔