آن لائن کالج ایڈمیشن سسٹم میں درخواستیں ایک لاکھ سے زائد جمع

پنجاب کے 750 سے زائد سرکاری کالجوں میں داخلوں کیلئے درخواستیں جاری ہے

جمعرات 21 اگست 2025 20:08

لاہور(اُردو پوائنٹ اخبارتازہ ترین - آن لائن۔ 21 اگست2025ء) آن لائن کالج ایڈمیشن سسٹم (OCAS) کے ذریعے داخلوں کے لیے درخواستیں وصول کرنا جاری ہے، اور طلبہ کی بڑی تعداد نے اپلائی کرنا شروع کر دیا ہے۔ تفصیلات کے مطابق انٹرمیڈیٹ پروگرام کے لیے تاحال 1 لاکھ 36 ہزار سے زائد درخواستیں موصول ہو چکی ہیں، جبکہ پنجاب کے 750 سے زائد سرکاری کالجوں میں آن لائن درخواستیں وصول کی جا رہی ہیں۔

یہ ویب پورٹل پنجاب آئی ٹی بورڈ اور ہائر ایجوکیشن ڈیپارٹمنٹ پنجاب نے وضع کیا ہے۔فیصل یوسف کا کہنا ہے کہ طلبہ کو منتخب کالجوں میں آن لائن درخواست دینے کی سہولت دی گئی ہے، اور اب تک ایف اے پروگرام کے لیے سب سے زیادہ 50 ہزار 200 درخواستیں موصول ہو چکی ہیں۔ آئی سی ایس پروگرام کے لیے 48 ہزار 500 سے زائد طلباء نے اپلائی کیا، جس میں کمپیوٹر سائنس شعبے میں 57 فیصد لڑکیوں اور 43 فیصد لڑکوں نے درخواستیں جمع کروائیں۔

(جاری ہے)

پری میڈیکل کے لیے طلبہ و طالبات کی جانب سے 26 ہزار 500 درخواستیں موصول ہو چکی ہیں، جن میں 78 فیصد لڑکیاں اور 22 فیصد لڑکے شامل ہیں، جو ڈاکٹر بننے کے خواہشمند ہیں۔ پری میڈیکل کی طرح پری انجینئرنگ میں بھی داخلوں کی شرح میں کمی دیکھی جا رہی ہے، جہاں صرف 4 ہزار 135 طلباء نے درخواستیں جمع کروائی ہیں۔ آئی کام پروگرام کے لیے 4 ہزار 484 سے زائد طلباء نے اپلائی کیا ہے۔

Facebook Twitter Google + Share on Whatsapp

آن لائن کالج ایڈمیشن سسٹم میں درخواستیں ایک لاکھ سے زائد جمع

پنجاب کے 750 سے زائد سرکاری کالجوں میں داخلوں کیلئے درخواستیں جاری ہے

متعلقہ عنوان :

مزید تعلیم کی خبریں