بہاول پور، پولیس کا سماج دشمن عناصر کے خلاف گرینڈ آپریشن

مختلف کارروائیوں میں18ملزمان گرفتار۔بھاری مقدار میں شراب،منشیات اور اسلحہ ناجائز برآمد

جمعرات 21 اگست 2025 20:59

بہاول پور(اُردو پوائنٹ اخبارتازہ ترین - آن لائن۔ 21 اگست2025ء)ڈسٹرکٹ پولیس آفیسرمحمد حسن اقبال کی کمانڈ میں بہاولپور پولیس کا سماج دشمن عناصر کے خلاف گرینڈ آپریشن، مختلف کارروائیوں میں18ملزمان گرفتار۔بھاری مقدار میں شراب،منشیات اور اسلحہ ناجائز برآمد۔جرائم پیشہ افراد کے خلاف جاری کارروائیوں کو مزید تیز کیا جارہا ہے ، تفصیلات کے مطابق وزیر اعلی پنجاب محترمہ مریم نواز شریف کے ویژن منشیات سے پاک پنجاب اور انسپکٹر جنرل آف پولیس پنجاب کے احکامات کی روشنی میںڈی پی اومحمد حسن اقبال کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔

تھانہ خیرپورٹامیوالی اور تھانہ سٹی حاصل پورپولیس نے شراب فروشوں کے خلاف کارروائیاں عمل میں لاتے ہوئے 02ملزمان کو گرفتارکرکے ان کے قبضہ سی42بوتلیں ولائتی شراب اور 20لیٹردیسی شراب برآمد کرلی۔

(جاری ہے)

اسی طرح تھانہ سول لائنز، صدر یزمان اور تھانہ خیرپورٹامیوالی پولیس نی03ملزمان کوگرفتارکرکے ان کے قبضہ سے 410گرام کرسٹل آئس اور تھانہ سول لائنز، اوچشریف، سٹی یزمان، عنائتی اور تھانہ صدر حاصل پور پولیس نے 10ملزمان کو گرفتار کرکے ان کے قبضہ سے 16کلو 40گرام چرس برآمد کرلی۔

جبکہ اسلحہ ناجائز کے خلاف کارروائی عمل میں لاتے ہوئے تھانہ بغدادالجدید، صدر احمدپور شرقیہ اور تھانہ چنی گوٹھ پولیس نی03ملزمان کو گرفتارکرکے ان کے قبضہ 03عدد پسٹل 30بوربرآمد کرلئے۔گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او محمدحسن اقبال نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔