پاکستان، جنوبی افریقاویمنز سیریز، میچ آفیشلز کا اعلان، سلیمہ امتیاز پہلی بار ون ڈے سیریز میں امپائرنگ کریں گی

جمعہ 22 اگست 2025 11:00

اسلام آباد (اُردو پوائنٹ اخبارتازہ ترین - اے پی پی۔ 22 اگست2025ء) پاکستان اور جنوبی افریقا کی ویمنز کرکٹ ٹیموں کے درمیان ون ڈے انٹرنیشنل سیریز کے لیے میچ آفیشلز کا اعلان کر دیا گیا ہے، جو 16 سے 22 ستمبر تک قذافی سٹیڈیم لاہور میں کھیلی جائے گی۔

(جاری ہے)

پاکستان کرکٹ بورڈ (پی سی بی )کے مطابق پاکستانی امپائر سلیمہ امتیاز پہلی مرتبہ دو طرفہ ون ڈے انٹرنیشنل کرکٹ سیریز میں امپائرنگ کریں گی۔ آسٹریلیا کی کلیئر پولو سیک بھی امپائرنگ کے فرائض انجام دیں گی۔ سیریز کے لیے ہمیرہ فراح کو ریزرو امپائر نامزد کیا گیا ہے۔طارق رشید آن فیلڈ امپائر کے طور پر ذمہ داریاں سنبھالیں گے جبکہ سابق ٹیسٹ کرکٹر علی نقوی کو میچ ریفری مقرر کیا گیا ہے۔