کیریبین پریمیئر لیگ ، اینٹیگوا اینڈ باربوڈا فالکنز اورگیانا ایمیزون واریئرز کی ٹیمیں 23 اگست کو پنجہ آزمائی کریں گی

جمعہ 22 اگست 2025 22:19

جمیکا(اُردو پوائنٹ اخبارتازہ ترین - این این آئی۔ 22 اگست2025ء)کیریبین پریمیئر لیگ میں(کل)ہفتہ کو مزیدایک میچ کھیلا جائے گا،جس میں اینٹیگوا اینڈ باربوڈا فالکنز اورگیانا ایمیزون واریئرز کی ٹیمیں سر ویوین رچرڈز اسٹیڈیم، نارتھ ساؤنڈ، اینٹیگواکے مقام پر آمنے سامنے ہوں گی۔لیگ میں دنیائے کرکٹ کے مختلف ممالک کے نامور کھلاڑی ایکشن میں نظر آئیں گے۔

لیگ میں 23 اگست کوکھیلے جانے والے واحد میچ میں اینٹیگوا اینڈ باربوڈا فالکنز اورگیانا ایمیزون واریئرز کی ٹیمیں سر ویوین رچرڈز اسٹیڈیم، نارتھ ساؤنڈ، اینٹیگوامیں نبرد آزما ہوں گی۔ اینٹیگوا اینڈ باربوڈا فالکنز کو پاکستان کے مایہ ناز آل رائونڈر عماد وسیم لیڈ کر رہے ہیں جبکہ گیانا ایمیزون واریئرز کو عمران طاہر لیڈ کریں گے۔

(جاری ہے)

لیگ میں 6 ٹیمیں ٹائٹل کے حصول کے لئے پنجہ آزمائی کرہی ہیں جن میں دفاعی چیمپئن سینٹ لوشیا کنگز ،گیانا ایمیزون واریئرز ، اینٹیگوا اینڈ باربوڈا فالکنز ،سینٹ کٹس اینڈ نیوس پیٹریاٹس، بارباڈوس رائلز اورٹرنباگو نائٹ رائیڈرزشامل ہیں۔

لیگ میں فائنل سمیت 34میچ کھیلے جائیں گے۔ کیریبین پریمیئر لیگ کا آغاز 2013میں ہوا تھا۔کیریبین پریمیئر لیگ کی تاریخ میں اب تک 12 ایڈیشن کھیلے جاچکے ہیں جن میں ٹرنباگو نائٹ رائیڈرز کی ٹیم سب سے زیادہ چار مرتبہ ٹائٹل جیت چکی ہے، جمیکا تلاوا تین ،بارباڈوس کی ٹیم دو جبکہ گیانا ایمیزون واریئرز ، سینٹ کٹس اینڈ نیوس پیٹریاٹس اور سینٹ لوشیاکنگز کی ٹیم ایک،ایک مرتبہ یہ ٹائٹل اپنے نام کر چکی ہیں۔