چائلڈ کانٹینٹ کریئیٹر طلحہ احمد کا انسٹاگرام معطل

جمعہ 22 اگست 2025 23:04

اسلام آباد (اُردو پوائنٹ اخبارتازہ ترین - این این آئی۔ 22 اگست2025ء)چائلڈ کانٹینٹ کریئیٹر طلحہ احمد کے لاکھوں فالوورز کے انسٹاگرام اکائونٹ کو معطل کردیا گیا جس کے بعد ان کے مداح پریشان دکھائی دیے۔طلحہ احمد کا تعلق سندھ کے دارالحکومت کراچی کے علاقے بلدیہ ٹائون سے ہے اور انہیں سادہ ویڈیوز کی وجہ سے کافی شہرت حاصل رہی ہے۔طلحہ احمد تھیلیسمیا کے مریض بھی ہیں اور انہوں نے جولائی 2024 میں بیماری کے باوجود سوشل میڈیا پر مواد تخلیق کاری کا شروع کیا، تاہم 2025 کے آغاز میں انہوں نے اس میں زیادہ دلچسپی لینا شروع کی۔

آسان اور سبق آموز مواد تیار کرنے کی وجہ سے طلحہ احمد جلد سوشل میڈیا پر مقبول ہوئے اور انہیں فیس بک، یوٹیوب، ٹک ٹاک اور انسٹاگرام پر لاکھوں افراد نے فالو کرلیا۔

(جاری ہے)

انسٹاگرام پر ان کے پانچ لاکھ سے زائد فالوورز تھے اور وہ مذکورہ پلیٹ فارم سمیت کسی بھی پلیٹ فارم پر کوئی قابل اعتراض مواد شیئر نہیں کرتے تھے۔طلحہ احمد نے 21 اگست کو بتایا کہ ان کے انسٹاگرام اکائونٹ کو معطل کردیا گیا، تاہم ساتھ ہی انہوں نے نئے عزم کے ساتھ دوبارہ پلیٹ فارم پر آنے کا عندیہ دیا۔

انہوں نے انسٹاگرام اکائونٹ معطلی سے متعلق اسکرین شاٹ بھی شیئر کیا، جس میں پلیٹ فارم کی جانب سے بتایا گیا تھا کہ ان کا اکائونٹ معطل کردیا گیا ہے اور وہ اسے استعمال نہیں کر سکیں گے۔انہیں انسٹاگرام کی جانب سے بتایا گیا کہ ان کا اکائونٹ پلیٹ فارم کے رولز کی خلاف ورزی پر معطل کیا گیا، تاہم رولز کی خلاف ورزی کی وضاحت نہیں کی گئی۔

Facebook Twitter Google + Share on Whatsapp

چائلڈ کانٹینٹ کریئیٹر طلحہ احمد کا انسٹاگرام معطل

متعلقہ عنوان :

مزید قومی خبریں