kصدر مملکت سے مختلف ممالک کے نامزد سفیروں کی ملاقات

ذایوانِ صدر میں نامزد سفیروں نے اپنی اسنادِ سفارت صدرِ مملکت کو پیش کیں ذصدر آصف علی زرداری کی نئے سفیروں کو مبارکباد اور نیک تمناؤں کا اظہار

جمعہ 22 اگست 2025 20:20

o اسلام آباد(اُردو پوائنٹ اخبارتازہ ترین - آن لائن۔ 22 اگست2025ء)صدرِ مملکت آصف علی زرداری سے سری لنکا، انڈونیشیا، کرغزستان، آسٹریا اور جرمنی کے نامزد سفیروں اور ہائی کمشنر نے ایوانِ صدر اسلام آباد میں ملاقات کی۔ اس موقع پر نامزد سفیروں اور ہائی کمشنر نے صدرِ مملکت کو اپنی اسنادِ سفارت پیش کیں۔ایوانِ صدر آمد پر معزز سفیروں کو پاکستان کی مسلح افواج کے چاق و چوبند دستے نے روایتی گارڈ آف آنر پیش کیا۔

(جاری ہے)

صدر آصف علی زرداری نے سفارتی ذمہ داریاں سنبھالنے پر تمام نامزد سفیروں کو مبارکباد دی اور ان کے لیے نیک تمناؤں کا اظہار کیا۔ صدرِ مملکت نے اس موقع پر پاکستان اور مذکورہ ممالک کے درمیان دوطرفہ تعلقات کے فروغ پر زور دیا، خصوصاً تجارت، معیشت، سرمایہ کاری اور ثقافت کے شعبوں میں تعاون کو مزید وسعت دینے کی ضرورت پر بھی زور دیا۔۔صدر مملکت نے اس امید کا اظہار کیا کہ نئے سفیروں کے تقرر سے پاکستان اور ان کے متعلقہ ممالک کے درمیان دوستانہ تعلقات کو مزید تقویت ملے گی۔