سائوتھ ایشیاء اتھلیٹکس کے چیئرمین میجر جنرل محمد اکرم ساہی کی سابق اولمپیئن صوبیدار عبد الخالق مرحوم کی اہلیہ کی وفات پر اظہار تعزیت

جمعہ 22 اگست 2025 20:40

اسلام آباد (اُردو پوائنٹ اخبارتازہ ترین - اے پی پی۔ 22 اگست2025ء) سائوتھ ایشیاء اتھلیٹکس کے چیئرمین اور ایشیاء اتھلیٹکس کے نائب صدر میجر جنرل محمد اکرم ساہی، پاکستان اتھلیٹکس فیڈریشن کے صدر بریگیڈئیر (ر) وجاہت حسین، سیکرٹری جنرل کرنل (ر)شاہ جہاں میر، اسلام آباد اتھلیٹکس ایسوسی ایشن کے چیئرمین بریگیڈئیر (ر)سلطان محمود ستی اور پاکستان سٹوڈنٹس اولمپک ایسوسی ایشن کے سیکرٹری جنرل رانا تنویر احمد کے علاوہ تنظیموں کے عہدیداران نے ایشیا کے تیز ترین اتھلیٹ (برڈ آف ایشیاء) سابق اولمپیئن صوبیدار عبد الخالق (مرحوم) کی اہلیہ اور پنجاب سپورٹس بورڈ کے اتھلیٹکس کوچ محمد اعجاز کی والدہ محترمہ ولایتِ بیگم کی وفات پر دکھ اور افسوس کا اظہار کیا ہے اور دعا کی ہے کہ اللہ تعالیٰ مرحومہ کو اپنے جوار رحمت میں جگہ دے اور لواحقین کو صبر جمیل عطا فرمائے۔