وزیراعظم شہباز شریف سے ڈاکٹر نثار چیمہ ،ذوالفقار چیمہ کی ملاقات، گوجرانوالہ کی سیاسی صورتحال پر تبادلہ خیال

جمعہ 22 اگست 2025 20:55

اسلام آباد (اُردو پوائنٹ اخبارتازہ ترین - این این آئی۔ 22 اگست2025ء)وزیراعظم شہباز شریف سے ڈاکٹر نثار چیمہ اور ذوالفقار چیمہ نے ملاقات کی ۔جاری بیان کے مطابق وزیراعظم محمد شہباز شریف سے ڈاکٹر نثار چیمہ اور ذوالفقار چیمہ نے ملاقات کی اور گوجرانوالہ کی سیاسی صورتحال پر تبادلہ خیال کیا۔ اس موقع پر این۔

(جاری ہے)

66 کے ضمنی انتخاب کے حوالے سے چیمہ برادران نے پارٹی کے فیصلے کی حمایت کرنے کا اعلان کیا اور پارٹی کے نامزد امیدوار کا ساتھ دینے کی یقین دہانی کرائی۔ اس موقع پر دعائے خیر بھی کی گئی۔ وزیراعظم کے مشیر برائے بین الصوبائی رابطہ رانا ثنا اللہ خان، وفاقی وزیر اطلاعات و نشریات عطا اللہ تارڑ، چوہدری عابد رضا، انجینئر خرم دستگیر اور مدثر قیوم ناہرا بھی اس موقع پر موجود تھے۔