آئی ایس پی آر سمر انٹرن شپ 2025 کا سفر کامیابی سے اختتام پذیر

ہفتہ 23 اگست 2025 11:37

اسلام آباد (اُردو پوائنٹ اخبارتازہ ترین - اے پی پی۔ 23 اگست2025ء) آئی ایس پی آرکا سمر انٹرن شپ 2025 کا سفر کامیابی سے اختتام پذیر ہو گیا،پاکستان کی سب سے بڑی انٹرن شپ میں ملک بھر سے طلبا ء کی کثیر تعداد نے بڑھ چڑھ کر حصہ لیا۔6 ہفتوں پر مشتمل سمر انٹرنشپ ۔ 2025 میں 33 شہروں کے 6500 سے زائدطلبا ء نے شرکت کی جن میں ملک بھر کے 150 سے زائد سرکاری و غیر سرکاری تعلیمی اداروں کے طلبا ء شامل تھے۔

(جاری ہے)

تعلیم و تربیت سے بھر پور سمر انٹرنشپ میں ملک کی نامور شخصیات کی طلبا ء سے خصوصی نشستوں کا انعقاد کیا گیا۔طلبا ء نے پی ایم اے کاکول، این سی ٹی سی پبی، پاکستان آرڈیننس فیکٹری واہ سمیت متعدد فوجی تنصیبات کا دورہ بھی کیا،آؤٹ ڈور ویزٹس سے طلبا ء نے پاک افواج کی آپریشنل تیاریوں اور صلاحیتوں کا بھی جائزہ لیا ۔ڈی جی آئی ایس پی آر کے ساتھ سمر انٹرنشپ کے طلبا ء کی خصوصی نشستوں کا بھی انعقاد کیا گیا۔طلبا ء کا کہنا تھا کہ سمر انٹرنشپ سے بہت کچھ سیکھنے کو ملا۔انٹرنشپ کے اختتام پر طلبا ء کو آئی ایس پی آر کی جانب سے اعزازی سند (سرٹیفکیٹ) سے بھی نوازا گیا۔