اسلام آباد ہائی کورٹ کا آئندہ ہفتے کیلئے ججز ڈیوٹی روسٹر جاری

ایک ڈویژن بنچ اور سات سنگل بنچز دستیاب‘ڈویژن بنچ میں چیف جسٹس سرفراز ڈوگر اور جسٹس اعظم خان شامل ہوں گے

ہفتہ 23 اگست 2025 14:07

اسلام آباد(اُردو پوائنٹ اخبارتازہ ترین - این این آئی۔ 23 اگست2025ء) اسلام آباد ہائی کورٹ نے آئندہ ہفتے کے لیے ججز کا ڈیوٹی روسٹر جاری کر دیا، آئندہ ہفتے ایک ڈویژن بنچ اور سات سنگل بنچز دستیاب ہوں گے۔

(جاری ہے)

روسٹر کے مطابق ڈویژن بنچ میں چیف جسٹس سرفراز ڈوگر اور جسٹس اعظم خان شامل ہوں گے جبکہ جسٹس محسن اختر کیانی، جسٹس سردار اعجاز اسحاق خان، جسٹس ارباب محمد طاہر اور جسٹس ثمن رفعت امتیاز رخصت پر ہوں گے۔دوسری جانب جسٹس خادم حسین سومرو چھٹیاں مکمل کرنے کے بعد آئندہ ہفتے سے کیسز کی سماعت کریں گے، ججز کا ڈیوٹی روسٹر چیف جسٹس کی منظوری کے بعد رجسٹرار آفس کی جانب سے جاری کر دیا گیا۔