کراچی،پٹاخوں کے گودام میں دھماکے کی رپورٹ تیار

دھماکے کے دوران 500 کلوگرام فائر ورکس کا سامان جل گیا جبکہ دھماکے کی آواز 5 سے 7 کلومیٹر تک سنی گئی‘رپورٹ

ہفتہ 23 اگست 2025 14:52

کراچی(اُردو پوائنٹ اخبارتازہ ترین - این این آئی۔ 23 اگست2025ء) بم ڈسپوزل یونٹ نے پٹاخوں کے گودام میں دھماکے کی ابتدائی رپورٹ تیار کر لی۔رپورٹ کے مطابق دھماکے کے دوران 500 کلوگرام فائر ورکس کا سامان جل گیا جبکہ دھماکے کی آواز 5 سے 7 کلومیٹر تک سنی گئی۔

(جاری ہے)

رپورٹ میں بتایا گیا ہے کہ دھماکے سے 100 میٹر کے دائرے میں تباہی پھیلی، عمارت میں اب بھی 3 گوداموں میں آتش بازی کا سامان موجود ہے جبکہ قریبی گراؤنڈ میں رکھے گئے 2 کنٹینرز میں بھی فائر ورکس محفوظ ہیں۔

رپورٹ کے مندرجات کے مطابق اس وقت مجموعی طور پر 5 ہزار کلوگرام آتش بازی کا سامان موجود ہے، ملزم حنیف مختلف شہروں اور بیرون ملک سے سامان منگواتا تھا اور اسی عمارت کے عقب میں آتشبازی کا سامان تیار بھی کرتا تھا۔بم ڈسپوزل یونٹ کی رپورٹ میں سفارش کی گئی ہے کہ تمام آتش بازی کا سامان جلد از جلد کسی محفوظ مقام پر منتقل کر کے تلف کیا جائے تاکہ مزید حادثات سے بچا جا سکے۔