پنجاب حکومت کا 4 جامعات میں مستقل وائس چانسلر بھرتی کرنے کا فیصلہ

ہفتہ 23 اگست 2025 17:54

لاہور (اُردو پوائنٹ اخبارتازہ ترین - این این آئی۔ 23 اگست2025ء) پنجاب حکومت نے 4جامعات میں مستقل وائس چانسلر بھرتی کرنے کا فیصلہ کر لیا۔حکومت نے مستقل وائس چانسلر کے عہدے کیلئے خواہشمند افراد سے درخواستیں طلب کر لی ہیں، یونیورسٹی آف چکوال، ویمن یونیورسٹی ملتان اور راولپنڈی ویمن یونیورسٹی میں مستقل وائس چانسلر کی تعیناتی ہو گی۔

(جاری ہے)

اس کے علاوہ نوازشریف یونیورسٹی آف انجینئرنگ اینڈ ٹیکنالوجی ملتان میں بھی مستقل وائس چانسلر کو تعینات کیا جائے گا، پنجاب حکومت نے وائس چانسلر کے عہدے کے خواہشمند امیدواروں کو 12ستمبر تک درخواستیں جمع کروانے کی ہدایت کی ہے۔