ایف آئی اے کی تفتان کی کارروائی ،بدنام زمانہ انسانی اسمگلر گرفتار

ہفتہ 23 اگست 2025 21:44

کوئٹہ(اُردو پوائنٹ اخبارتازہ ترین - این این آئی۔ 23 اگست2025ء) ایف آئی اے کی تفتان میں کاروائی بدنام زمانہ انسانی اسمگلر گرفتار کرلیا گیا ۔ ترجمان ایف آئی اے کے مطابق ایف آئی اے اینٹی ہیومن ٹریفکنگ سرکل تفتان نے کاروائی کرتے ہوئے بدنام زمانہ انسانی ٹریفکر محمد عدنان اسلم کو گرفتار کرلیا۔

(جاری ہے)

ترجمان کے مطابق ملزم عراق سے آپریٹ ہونے والے انسانی ٹریفکنگ کے منظم گینگ کا حصہ ہے ملزم پاکستانی شہریوں کو ایران کے غیر قانونی راستوں سے عراق اسمگل کرتا تھامذکورہ گینگ نے عراق میں سیف ہاؤسسز بنا رکھے ہیں۔

ترجمان نے بتایا کہ ملزم دیگر ساتھیوں کی ملی بھگت سے شہریوں کو پاکستان سے غیر قانونی طریقے سے ایران کے راستے عراق لے کر جاتے تھے ملزمان شہریوں کو عراق میں موجود سیف ہاوسسز میں محصور کرتے تھے۔ ترجمان کے مطابق متاثرین کے گھر والوں کی جانب سے بھیجی گئی رقوم کے ،ملزم کے موبائل سے انسانی سمگلنگ کے شواہد برآمد اور منظم گینگ میں شامل انسانی سمگلروں کی تفصیلات حاصل کر لی گئی ہیں جبکہ ملزمان کی گرفتاری کے لئے چھاپے مارے جا رہے ہیں۔