سرکاری اسکیم، خوش قسمت عازمین حج کا فیصلہ ہو گیا۔ ملک بھر سے ایک لاکھ 18 ہزار 60 حج درخواستیں موصول

ہفتہ 23 اگست 2025 22:19

اسلام آباد(اُردو پوائنٹ اخبارتازہ ترین - آن لائن۔ 23 اگست2025ء)سرکاری اسکیم، خوش قسمت عازمین حج کا فیصلہ ہو گیا۔ ملک بھر سے ایک لاکھ 18 ہزار 60 حج درخواستیں موصول ہوگئی ہیں جس کے بعد سرکاری حج اسکیم کے تحت درخواستوں کی وصولی کا عمل مکمل ہوگیا ہے اور درخواستوں کی مزید وصولی روک دی گئی۔حج درخواستیں پہلے آئیے پہلے پائیے کی بنیاد پر وصول کی گئیں، وزارت مذہبی امور کے ذرائع کے مطابق 17 روز میں عازمین نے آن لائن اور منتخب بینکوں کے ذریعے درخواستیں جمع کرائیں۔

(جاری ہے)

عازمین نے طویل اور مختصر دورانیے کے حج کے لئے درخواستیں جمع کرائیں۔وزارت مذہبی امور نے نصف حج اخراجات پہلی قسط کے طور پر وصول کیے ۔حج کے باقی اخراجات دوسری قسط میں وصول کئے جائیں گے۔ذرائع کے مطابق حج واجبات کی دوسری قسط کی وصولی یکم نومبر سے شروع کی جائے گی۔سرکاری سکیم کے تحت حج اخراجات کا تخمینہ ساڑھے گیارہ لاکھ سے ساڑھے بارہ لاکھ روپے ہے۔وزارت مذہبی امور نے حج درخواستوں کی وصولی کا عمل ماضی کے مقابلے میں قبل از وقت مکمل کر لیاہے۔