سیکورٹی خدشات، جعفر ایکسپریس کو جیکب آباد اسٹیشن پر روک دیا گیا، مسافر پریشان

جمعرات 28 اگست 2025 17:19

جیکب آباد (اُردو پوائنٹ اخبارتازہ ترین - این این آئی۔ 28 اگست2025ء) سیکورٹی خدشات، جعفر ایکسپریس کو جیکب آباد اسٹیشن پر روک دیا گیا، مسافر پریشان۔

(جاری ہے)

تفصیلات کے مطابق پشاور سے کوئٹہ جانے والی جعفر ایکسپریس کو سیکورٹی خدشات کے پیش نظر ایک بار پھر جیکب آباد اسٹیشن پر روک دیا گیا ہے ٹرین کے اچانک رک جانے سے مسافروں کو شدید مشکلات کا سامنا کرنا پڑا، ریلوے حکام کے مطابق جعفر ایکسپریس میں 600 سے زائد مسافر سوار تھے جن کو ان کی منزل تک پہنچانے کے لیے متبادل ٹرانسپورٹ کا بندوبست کیا گیا ہے حکام نے مزید بتایا کہ جعفر ایکسپریس کو شام کے اوقات میں دوبارہ پشاور کے لیے روانہ کیا جائے گا، مسافروں نے احتجاج کرتے ہوئے کہا کہ آئے روز جعفرایکسپریس کو روک دیا جاتا ہے جس کی وجہ سے منزل تک پہنچنے میں شدید دشواری کا سامنا کرنا پڑتا ہے اگر ٹرین کو جیکب آباد میں ہی روکنا ہے تومسافروں کو پہلے ہی آگاہ کردیا جائے تاکہ مسافر آگے کی منزل کے لیے پہلے سے انتظامات کرلیں۔