جیکب آباد، قائداعظم روڈ پر 11 ہزار وولٹیج کی تار دھماکے سے گری پڑی

جمعرات 28 اگست 2025 22:37

جیکب آباد (اُردو پوائنٹ اخبارتازہ ترین - آن لائن۔ 28 اگست2025ء)جیکب آباد کے قائداعظم روڈ پر 11 ہزار وولٹیج کی تار دھماکے سے گری پڑی، تار گرنے سے ٹھیلے کوآگ لگ گئی شہری معجزانہ طور پر محفوظ، بجلی کا نظام درہم برہم۔

(جاری ہے)

تفصیلات کے مطابق جیکب آباد شہر کی معروف ترین شاہراہ قائداعظم روڈ پر اچانک 11 ہزار وولٹیج کی ہائی ٹینشن لائن دھماکے کے ریڑھی پر جاگری جس کی وجہ سے ٹھیلے کو آگ لگ گئی کوئی جانی نقصان نہیں ہوا اور شہری معجزانہ طور پر محفوظ رہے، شہریوں کا کہنا ہے کہ جیکب آباد میں ہائی وولٹیج تاروں کے گرنے کے واقعات معمول بن چکے ہیں ، سیپکو ذرائع کے مطابق بڑھتے ہوئے لوڈ کی وجہ سے یہ آئے روز گیارہ ہزار وولٹیج کی تاریں ٹوٹ کر گرنا معمول بن گیا ہے، تار گرنے سے بجلی کا نظام درہم برہم ہوگیا، شہریوں نے متعلقہ اداروں سے مطالبہ کیا ہے کہ ہائی وولٹیج لائنوں کی فوری مرمت اور نئی تاروں کی تنصیب کی جائے تاکہ قیمتی جانوں کو بچایا جاسکے۔