سرکاری حج اسکیم ،عازمین نے پہلی قسط کے طور پر 61 ارب45 کروڑ روپے جمع کرادیئے

جمعرات 28 اگست 2025 19:44

اسلام آباد (اُردو پوائنٹ اخبارتازہ ترین - این این آئی۔ 28 اگست2025ء)سرکاری حج اسکیم، عازمین نے پہلی قسط کے طور پر 61 ارب45 کروڑ روپے جمع کرادیئے،حج سے متعلق اعدوشمار سما نے حاصل کرلیے۔ذرائع وزارت مذہبی امور کیمطابق طویل دورانیہ کے حج کیلئے 38 ارب 34 کروڑ روپے جمع کرائے گئے،کم دورانیہ کے حج کے لیے 23 ارب10 کروڑ روپے جمع کرائے گئے،آئندہ برس طویل دورانیے کے حج کا انتخاب کرنے والوں کی تعداد میں اضافہ ہوگا۔

(جاری ہے)

وزارت مذہبی امور کے مطابق مجموعی طور پرایک لاکھ 18 ہزار 696 درخواستیں موصول ہوئیں،طویل دورانیے کے حج کیلئے 76 ہزار 683 درخواستیں جمع کرائی گئیں،کم دورانیے کے حج کے لیے 42 ہزار 13 درخواستیں جمع کرائی گئیں،کم مدت کا حج پیکج 20 سے 22 روز،طویل دورانیہ کا حج 40 روز پرمشتمل ہے،84 ہزار 303 عازمین نیمشترکہ کمری( شیئرنگ روم) کا انتخاب کیا،11ہزار 489 عازمین دو بستروں والے کمرے ( ڈبل بیڈ روم) کے خواہاں ہیں،7 ہزار 466 عازمین تین بستروں والے کمرے (تین بیڈ روم )میں قیام کریں گے،15 ہزار 438 درخواست گزاروں نیفیملی روم (4 تا 6 افراد) کا انتخاب کیا،آئندہ حج کیلئے تمام عازمین کے لییقربانی کی رقم جمع کرانا لازمی ہے،تمام 1 لاکھ 18 ہزار 696 عازمین کو جمع کرائی گئی رقم سے قربانی کی سہولت ملے گی۔