م*عوام تک محفوظ، متوازن اور صحت بخش خوراک کی فراہمی کیلئے پنجاب فوڈ اتھارٹی کوشاں

ًآئل،گھی میں وٹامن ڈی کی ضروری مقدار کو شامل اور چانچ کرنے کے حوالے سے ٹریننگ پروگرام پنجاب کی عوام کو صحت مند بنانے کے لیے تمام تر ممکن وسائل بروئے کار لائے جارہے ہیں۔ ڈی جی فوڈ اتھارٹی ٹیسٹنگ کی استعداد کار بڑھانے اور فورٹیفکیشن میں تعاون پر نیوٹریشن انٹرنیشنل کے مشکور ہیں، عاصم جاوید

جمعرات 28 اگست 2025 21:05

*لاہور (اُردو پوائنٹ اخبارتازہ ترین - آن لائن۔ 28 اگست2025ء) پنجاب کی عوام تک محفوظ، متوازن اور صحت بخش خوراک کی فراہمی کے لیے پنجاب فوڈ اتھارٹی کوشاں ہے، آئل،گھی میں وٹامن ڈی کی ضروری مقدار کو شامل اور چانچ کرنے کے حوالے سے ٹریننگ پروگرام منعقد کیا گیا، نیوٹریشن انٹرنیشنل کی جانب سے پنجاب فوڈ اتھارٹی ٹیکنیکل ونگ آفسران کے لیے 2 روزہ ٹریننگ کا انعقاد کیا گیا جس میں ڈی جی فوڈاتھارٹی عاصم جاوید، ایڈیشنل ڈی جی ٹیکنیکل آمنہ رفیق اور دیگر نے شرکت کی، اس موقع پر ڈی جی فوڈ اتھارٹی نے کہا اعلی پنجاب کے ویڑن کے مطابق عوام تک معیاری آئل گھی پہنچانے کے لیے بین الاقوامی طرز ٹیسٹنگ کا اپنایا جا رہا ہے، ٹریننگ کا مقصد جدید طریقہ کار اور آلات کا استعمال کرتے ہوئے آئل گھی میں وٹامن ڈی کی جانچ کو یقینی بنانا ہے، خوردنی آئل کی فورٹیفیکیشن کے ذریعے مائیکرو نیوٹرینٹس کی کمی پر قابو پایا جاسکے گا۔

(جاری ہے)

ٹریننگ سے ٹیکنیکل آفیسر وٹامن ڈی کی تشخیص جدید طریقے سے کر سکیں گے۔تمام ٹیکنیکل سٹاف تکنیکی معلومات کو بروئے کار لاتے ہوئے تشخیص کے عمل کو مؤثر بنائیں، پنجاب فوڈاتھارٹی نیوٹریشن انٹرنیشنل کے ساتھ مل کر فوڈ فورٹیفکیشن پر کام کرے گی۔ عاصم جاوید ڈی جی فوڈاتھارٹی کا کہنا تھا پنجاب کی عوام کو صحت مند بنانے کے لیے تمام تر ممکن وسائل بروئے کار لائے جارہے ہیں۔ ٹیسٹنگ کی استعداد کار بڑھانے اور فورٹیفکیشن میں تعاون پر نیوٹریشن انٹرنیشنل کے مشکور ہیں، صوبائی مینیجر عزیز الرحمن نے کہا غذائی قلت کے خاتمے کے لیے پنجاب فوڈ اتھارٹی کی کوششیں قابل تعریف ہیں