راوی دریا کا پانی غیر متوقع طور پر بادامی باغ کے علاقہ میں داخل‘ نجی ٹی وی

جمعرات 28 اگست 2025 22:55

لاہور(اُردو پوائنٹ اخبارتازہ ترین - این این آئی۔ 28 اگست2025ء) دریائے راوی کا پانی غیر متوقع طور پر لاہورکے بادامی باغ کے علاقہ میں داخل ہو گیا ہے۔نجی ٹی وی کے مطابق معلوم ہوا ہے کہ لاہور میں رِنگ روڈ سے ملحقہ بادامی باغ کے علاقہ میں راوی دریا کاسیلابی پانی داخل ہوا ہے۔ اس سے پہلے راوی کا پانی موہلنوال کے علاقہ میں بنی ایک ہائوسنگ سوسائٹی میں داخل ہو گیا جہاں سے مکینوں کا انخلا ء اب تک جاری ہے۔

(جاری ہے)

لاہور میں دریا کے پار آباد شاہدرہ کی آبادیوں کو دریا کا پانی داخل ہو جانے کا سب سے زیادہ خطرہ تھا، شاہدرہ کی نشیبی آبادیوں عزیز کالونی اور فرخ آباد میںدریا کا پانی داخل ہوا اور مکانوں کی نچلی منزلوں کئی فٹ تک پانی جمع ہو گیا۔ ان علاقوں میںبھی مکینوں نے انتظامیہ کے بار بار انتباہ کے باوجود علاقہ نہیں چھوڑا تھا، اب بہت سے مکین علاقہ چھوڑ رہے ہیں۔ کچھ اب تک اپنے پانی میں گھرے ہوئے گھروں میں بیٹھے ہیں۔