پاکستان فٹ بال فیڈریشن نے اے ایف سی انڈر 23 ایشین کپ سعودی عرب 2026 کے کوالیفائرز کے لیے قومی انڈر 23 ٹیم کے اسکواڈ کا اعلان کر دیا

جمعرات 28 اگست 2025 23:40

اسلام آباد (اُردو پوائنٹ اخبارتازہ ترین - اے پی پی۔ 28 اگست2025ء) پاکستان فٹ بال فیڈریشن نے اے ایف سی انڈر 23 ایشین کپ سعودی عرب 2026 کے کوالیفائرز کے لیے قومی انڈر 23 ٹیم کے اسکواڈ کا اعلان کر دیا۔ کمبوڈیا میں منعقد ہونے والے میچوں میں قومی ٹیم کی قیادت سابق عالمی شہرت یافتہ فٹ بالر اور ہیڈ کوچ نولبرٹو سولانو کریں گے۔

(جاری ہے)

منتخب کردہ 23 رکنی اسکواڈ میں گول کیپر آدم نجیب، حسن علی، عمیر عروج فارورڈ میں میکائیل عبداللہ،عمیر بہادر، فرقان عمر، علی رضا، سلیمان علی، عدیل یونس مڈفیلڈر میں طفیل خان، حیّان خٹک، محمد جنید، علی ظفر، عدنان جسٹن جبکہ ڈیفینڈر میں حسیب خان، محب اللہ، محمد عدیل، انس امین، محمد ہارون، حمزہ منیر، احمد سلمان، جنید شاہ اور عبد الرحمن شامل ہیں۔