ایس ای سی پی نے کارپوریٹ ایکشن ٹائم لائنز میں نمایاں کمی کی منظوری دے دی

جمعہ 29 اگست 2025 17:00

کراچی (اُردو پوائنٹ اخبارتازہ ترین - این این آئی۔ 29 اگست2025ء) ایس ای سی پی نے کمپنیز (مزید اجرا شیئرز)ریگولیشنز، 2020 میں ترامیم کی منظوری دے دی ہے، جس کے تحت بونس اور رائٹ ایشوز کا وقت کم کر دیا گیا ہے تاکہ شیئر ہولڈرز کو زیادہ فائدہ پہنچایا جا سکے۔ ماضی میں بونس ایشو کو مکمل ہونے میں 85 دن اور رائٹ ایشو کو 181 دن لگتے تھے، جس میں ابتدائی عمل سے لے کر شیئر ہولڈرز کے اکانٹس میں حصص کے کریڈٹ ہونے تک کا پورا مرحلہ شامل تھا۔

نئے فریم ورک کے تحت، بونس ایشو اب صرف 11 دن میں مکمل ہو گا (87 فیصد کمی، جبکہ رائٹ ایشو 53 دن میں مکمل ہو گا (70 فیصد کمی،ایس ای سی پی نے مارکیٹ اصلاحات کے لیے پہلے ایک مشاورتی مسودہ شائع کیا اور اسٹیک ہولڈرز سے بہتری کے ممکنہ پہلوں پر رائیطلب کیں۔

(جاری ہے)

ایس ای سی پی نے پی ایس ایکسPSX))، سی ڈی سی(CDC)، این سی سی پی ایل(NCCPL)، کنسلٹنٹس، قانونی اور مالی ماہرین سمیت اہم اسٹیک ہولڈرز سے آن لائن مشاورت کی۔

اس کے بعد ترامیم کا مسودہ جاری کیا گیا اور موصول ہونے والی تمام تجاویز کا جائزہ لے کر انہیں منظور کیا گیا۔اہم تبدیلیوں میں بک بند ہونیکے نوٹس کی کم مدت، ایک دن کا بک کلاژر، آفر دستاویزات کی جلد منظوری، لیٹر آف رائٹ کا فوری کریڈٹ، اور رائٹ و بونس شیئرز کی تیز الاٹمنٹ شامل ہیں۔ کم وقت کا مطلب ہے کہ شیئر ہولڈرز کو بونس اور رائٹ شیئرز جلد مل سکیں گے، جس سے وہ پہلے ہی تجارتی مواقع سے فائدہ اٹھا سکیں گے۔

یہ ترامیم یکم اکتوبر 2025 سے نافذ ہوں گی، ساتھ ہی پی ایس ایکس(PSX)اور سی ڈی سی (CDC)کے قواعد بھی بدلے جائیں گے۔مزید یہ کہ سرمایہ کاروں کے لیے بہتر ماحول پیدا کرنے اور پاکستان کی کیپٹل مارکیٹس کو مزید پرکشش بنانے کے لیے، ایس ای سی پی متعلقہ اسٹیک ہولڈرز سے مشاورت کے بعد ایسے اقدامات پر غور کر رہا ہے جن سے ڈیویڈنڈ کی ادائیگی کا وقت کم کیا جا سکے۔ اس کے ساتھ ساتھ روشن ڈیجیٹل اکانٹس (RDA) کے ذریعے مختلف بروکریج ہاسز میں اکانٹ کھولنے اور ایک ہی شخص کے (RDA)اکانٹس کے درمیان فنڈز کی منتقلی سے متعلق مسائل کو بھی حل کیا جائے گا۔