پی آئی اے نے سیالکوٹ سے اپنا فضائی آپریشن لاہور ایئرپورٹ پر منتقل کر دیا

جمعہ 29 اگست 2025 20:20

اسلام آباد (اُردو پوائنٹ اخبارتازہ ترین - اے پی پی۔ 29 اگست2025ء) قومی ایئر لائن پی آئی اے نے سیالکوٹ سے اپنا فضائی آپریشن لاہور ایئرپورٹ پر منتقل کر دیا ہے۔جمعہ کو سیالکوٹ سے فضائی آپریشن کے متعلق اعلامیہ میں ترجمان پی آئی اے نے کہا ہے کہ ​سیالکوٹ انٹرنیشنل ایئرپورٹ کی جانب سے جاری کردہ نوٹس کے مطابق ایئرپورٹ پر فضائی آپریشن عارضی طور پر معطل ہے۔

(جاری ہے)

اس صورتحال کے پیش نظر پی آئی اے نے سیالکوٹ سے اپنا فضائی آپریشن لاہور ایئرپورٹ پر منتقل کر دیا ہے۔پی آئی اے کی سیالکوٹ ​ائیرپورٹ سے آپریٹ ہونے والی متعلقہ پروازیں اب لاہور کے علامہ اقبال انٹرنیشنل ایئرپورٹ سے چلائی جائیں گی۔​مسافروں سے درخواست ہے کہ اپنی پروازوں کی بروقت معلومات اور اوقات کار کے لیے ایئر لائن کے کال سینٹر 786-786-111 سے رابطے میں رہیں تاکہ کسی بھی دشواری کا سامنا نہ کرنا پڑے۔