ہربھجن کے تھپڑکی ویڈیو پرسری سانتھ کی اہلیہ للت مودی پربرس پڑیں

ہفتہ 30 اگست 2025 13:28

نئی دہلی (اُردو پوائنٹ اخبارتازہ ترین - این این آئی۔ 30 اگست2025ء)سابق بھارتی فاسٹ بولر سری سانتھ کی اہلیہ بھونیشوری، ہربھجن سنگھ کے تھپڑ کی ویڈیو شیئر کرنے پر للت مودی اور مائیکل کلارک پر برس پڑیں۔سابق بھارتی کرکٹر ایس سری سانتھ کی اہلیہ بھونیشوری نے آئی پی ایل کے سابق چیئرمین للت مودی اور سابق آسٹریلوی کپتان مائیکل کلارک کو آئی پی ایل 2008 کے بدنام زمانہ ’سلیپ گیٹ‘کے واقعے کی ان دیکھی فوٹیج شیئر کرنے پر تنقید کا نشانہ بنایا ہے۔

(جاری ہے)

یہ کلپ 29 اگست کو بیوند 23 کرکٹ پوڈ کاسٹ پر دوبارہ سامنے آیا جس میں ہربھجن سنگھ کو سری سانتھ کو تھپڑ مارتے ہوئے دکھایا گیا ہے۔سری سانتھ کی اہلیہ نے انسٹاگرام پر برہمی کا اظہار کیا۔بھونیشوری نے لکھا کہ للت مودی اور مائیکل کلارک پر شرم آتی ہے۔ آپ اپنی سستی پبلسٹی کے لیے 2008 کی ویڈیو شیئر کررہے ہیں۔ سری سانتھ اور ہربھجن دونوں طویل عرصے سے آگے بڑھ چکے ہیں؛ وہ اب اسکول جانے والے بچوں کے باپ ہیں اور پھر بھی آپ انہیں پرانے زخم میں ڈالنے کی کوشش کر رہے ہیں۔سری سانتھ نے اپنی اہلیہ کی پوسٹ شیئر کرتے ہوئے اپنے پیغام کو تقویت دی کہ پرانے زخموں کو دوبارہ تازہ کرنا غیر ضروری ہے۔