پاکستان فٹبال فیڈریشن کی مالی دشواریاں جلد ختم ہونے کا امکان

پی ایف ایف نے محسن گیلانی کی سربراہی میں لاہور میں نجی بینک میں نیا آفیشل کاؤنٹ کھلوا لیا

ہفتہ 30 اگست 2025 18:15

لاہور (اُردو پوائنٹ اخبارتازہ ترین - این این آئی۔ 30 اگست2025ء)پاکستان فٹبال فیڈریشن (پی ایف ایف) نیا بینک اکاؤنٹ کھلوانے میں کامیاب ہوگئی۔پی ایف ایف کی مالی دشواریاں جلد ختم ہونیکا امکان ہے کیونکہ پی ایف ایف نے محسن گیلانی کی سربراہی میں لاہور میں نجی بینک میں نیا آفیشل اکاؤنٹ کھلوا لیا ہے۔

(جاری ہے)

مقامی بینک نے فیفا کی سند کی بنیاد پر پاکستان فٹبال فیڈریشن کا نیا اکاؤنٹ کھول دیا جس پر پی ایف ایف نے فیفا کو اکاؤنٹ کے حوالے سے اپ ڈیٹ بھجوا دی۔

بینک اکاؤنٹ کھلنے کے بعد اب پی ایف ایف کو فیفا کی تمام فنڈنگ جلد مل جائیں گی۔واضح رہے کہ قانونی پیچیدگیوں کی وجہ سے پی ایف ایف کا پرانا اکاؤنٹ بند ہے، آفیشل بینک اکاؤنٹ بند ہونے کے سبب ماضی میں پی ایف ایف کو فنڈز منتقل نہیں ہوپا رہے تھے۔