یونیسکو اور العلا بین الثافتی ڈائیلاگ کے پہلے ٹریننگ سیشن کی میزبانی کریں گے

اتوار 31 اگست 2025 08:20

ریاض (اُردو پوائنٹ اخبارتازہ ترین - اے پی پی۔ 31 اگست2025ء) اقوام متحدہ کی تعلیمی، سائنسی اور ثقافتی تنظیم یونیسکو اور العلا بین الثقافتی ڈائیلاگ کے پہلے تربیتی پروگرام کی میزبانی کریں گے۔سرکاری خبر رساں ایجنسی ایس پی اے کے مطابق یہ پروگرام رائل کمیشن فار العلا کے اشتراک سے میوزیم اور ہیریٹج سائٹ منیجمنٹ میں پروفیشنلز کےلیے ہے، جو العلا میں مثبت سماجی تبدیلیوں کو فروغ دینے کے پروجیکٹ کا ایک حصہ ہے۔

تربیتی سیشن 18 ستمبر سے 16 اکتوبر تک ہر جمعرات کو دوپہر 12 سے 2 بجے تک زوم کے ذریعے منعقد ہوں گے۔

(جاری ہے)

پروگرام کے شرکا میں میوزیم اور ورلڈ ہیریٹج سائٹس کے نمائندے شامل ہیں خاص طور پر وہ افراد جو پبلک انگیجمنٹ، لرننگ اور ایجوکیشن میں شامل ہیں۔یہ پروگرام بین الثقافتی کیمونیکشن تھیوری اور پریکٹیکل ایپلی کیشنز کے اہم تصورات کا احاطہ کرتا ہے تاکہ ’لائیو میوزیم ماڈل‘ کے تحت ڈائیلاگ کو فروغ دیا جا سکے۔

یہ ماڈل میوزیم اور ہیریٹج سائٹ کو ثقافتی تبادلے کے پلیٹ فارم کے طور پر فروغ دیتا ہے، جو ورثے اور دستکاری کو مختلف ثقافتوں کو جوڑتا ہے۔یونیسکو نے دلچسپی رکھنے والے امیدواروں سے 5 ستمبر تک درخواست دینے کو کہا ہے تکہ منتخب شرکا کو کورس شروع ہونےسے ایک ہفتے قبل اطلاع دی جاسکے۔

Facebook Twitter Google + Share on Whatsapp

یونیسکو اور العلا بین الثافتی ڈائیلاگ کے پہلے ٹریننگ سیشن کی میزبانی کریں گے

متعلقہ عنوان :

مزید بین الاقوامی خبریں