Live Updates

ْوزیراعلی کی قیادت میں حکومت سیلاب سے متاثرہ خاندانوں کے شانہ بشانہ کھڑی ہے‘سہیل شوکت بٹ

دریائوں میں طغیانی کے باوجود حکومت نے متاثرہ علاقوں میں فوری ریلیف اقدامات کو یقینی بنایا ہے‘ سوشل و یلفیئر و بیت المال

اتوار 31 اگست 2025 18:25

لاہور(اُردو پوائنٹ اخبارتازہ ترین - این این آئی۔ 31 اگست2025ء)وزیراعلی پنجاب مریم نواز کی قیادت میں پنجاب حکومت سیلاب سے متاثرہ خاندانوں کے شانہ بشانہ کھڑی ہے۔ صوبائی وزیر سوشل ویلفیئر و بیت المال سہیل شوکت بٹ نے کہا کہ دریائوں میں طغیانی کے باوجود حکومت نے متاثرہ علاقوں میں فوری ریلیف اقدامات کو یقینی بنایا ہے۔انہوں نے کہا کہ وزیراعلی مریم نواز کی ہدایات کے مطابق فلڈ ایریاز میں امدادی کیمپس قائم کر دیے گئے ہیں، جہاں متاثرہ آبادی کو خوراک، خیمے اور طبی سہولتیں فراہم کی جا رہی ہیں۔

(جاری ہے)

سہیل شوکت بٹ نے مزید کہا کہ ریسکیو 1122 اور ضلعی انتظامیہ دن رات ریسکیو و ریلیف سرگرمیوں میں مصروف ہیں۔سہیل شوکت بٹ نے بتایا کہ ہیڈ تریموں پر سات لاکھ کیوسک کے سیلابی ریلے کا خدشہ ہے، تاہم حکومت نے بروقت اقدامات سے ہر ممکن حفاظتی انتظامات مکمل کر لیے ہیں۔ اسی طرح بلوکی، شادرہ اور جسڑ کے مقامات پر بھی متاثرہ آبادی کو ریلیف پہنچایا جا رہا ہے۔انہوں نے کہا کہ وزیراعلی مریم نواز کی واضح ہدایات ہیں کہ کسی بھی متاثرہ خاندان کو تنہا نہ چھوڑا جائے اور بروقت خوراک، خیمے اور طبی امداد فراہم کی جائے۔ صوبائی وزیر نے کہا کہ پنجاب حکومت کے بروقت اور موثر اقدامات لائقِ تحسین ہیں۔