ّماضی میں چین مخالف بیانات، آج ایس سی او میں چاپلوسی‘مودی سرکار کی دوغلی پالیسی آشکار

اتوار 31 اگست 2025 18:40

نئی دہلی (اُردو پوائنٹ اخبارتازہ ترین - آن لائن۔ 31 اگست2025ء)ماضی میں چین مخالف بیانات، آج ایس سی او میں چاپلوسی‘مودی سرکار کی دوغلی پالیسی آشکارہوگئی۔جنگی اور سفارتی میدانوں میں شکست کے بعد مودی چین کے آگے جھکنے پر مجبورہوگیا۔, بھارت کا دوغلہ چہرہ بے نقاب ہوگیا۔ماضی میں چین کو گیدڑ بھبکیاں دینے والا مودی، آج شنگھائی تعاون تنظیم اجلاس میں چین کی تعریفوں کے پل باندھنے پر مجبور ہوگیا ہے ۔

رپورٹ کے مطابق بھارت کی خارجہ اور دفاعی پالیسیوں میں حالیہ دنوں میں واضح تضاد اور منافقت سامنے آئی ہے۔بھارتی وزیر اعظم مودی جب اپوزیشن میں تھا تو چین کے حوالے سے اسکے خیالات انتہائی منفی تھے۔مودی بطور اپوزیشن لیڈر ہر جلسے میں چین کیخلاف آواز اٹھانے کی بات کرتا تھا ۔

(جاری ہے)

نریندر مودی کا کہنا تھا کہ جو(چین) میرے دیس کے جوانوں کے سر کاٹ لے کیا اس کیلئے پروٹول ہونا چاہئے۔

۔۔ آپریشن سندور میں عبرتناک شکست کے بعد بھارتی ڈپٹی آرمی چیف نے چین مخالف بیانات دئیے ۔بھارتی ڈپٹی آرمی چیف لیفٹیننٹ جنرل راہل سنگھ کے مطابق ’’چین نے پاکستان کو ہر ممکن تکنیکی اور انٹیلی جنس مدد فراہم کی‘‘ ۔بھارتی ڈپٹی آرمی چیف کا کہنا تھا کہ پاکستان کو چین سے لمحہ بہ لمحہ اپڈیٹس موصول ہو رہی تھیں، بھارتی ڈپٹی آرمی چیف کا بیان تھا کہ چینی اسلحے اور مدد کی بدولت آپریشن سندور میں پاکستان نے بھارت کو شکست دی۔

بھارتی نائب آرمی چیف نے الزام عائد کیا تھا کہ چین پاکستان کو ''اُدھار کی چھری سے وار'' کی پالیسی پر سہارا دے رہا تھا۔ حیرت انگیز طور پر آج بھارت کے وزیرِ اعظم نریندر مودی چین میں صدر شی جن پنگ کا شکریہ ادا کرتا نظر آ رہا ہے۔بھارتی وزیراعظم مودی شنگھائی تعاون تنظیم اجلاس میں شرکت کیلئے چین بھی پہنچ چکے ہیں۔ ایک طرف چین پر الزام تراشی، دوسری جانب سفارتی انداز میں شکریہ دوہرے معیار کو ظاہر کرتا ہے۔بھارتی حکومت سیاسی مفادات کی خاطر عوام کی آنکھوں میں دھول جھونکنے کیلئے حقائق مسخ کرتی آئی ہے۔