Live Updates

رویژن پی سی ون ایکنگ سے جلد منظور ہوگا ،وفاقی حکومت کو بھی سفارش کی جائے گی،حاجی گلبر خان

ہستال میں ادویات اور ڈاکٹرز کی کمی دور کریں گے، کوشش ہے ساس ویلی کو سب ڈویژن بنائیں، وزیراعلی گلگت بلتستان

اتوار 31 اگست 2025 20:10

گلگت (اُردو پوائنٹ اخبارتازہ ترین - این این آئی۔ 31 اگست2025ء)وزیر اعلی گلگت بلتستان حاجی گلبر خان نے کہا ہے کہ رویژن پی سی ون ایکنگ سے جلد منظور ہوگا جس کیلئے وفاقی حکومت کو بھی جلد منظوری کی سفارش کی جائے گی، ضلعی انتظامیہ معاوضوں کی ادائیگی کے عمل کو تیز کرے۔شاہراہ نگر کے حوالے سے دی جانیوالی بریفنگ کے موقع پر گفتگو کرتے ہوئے وزیراعلی نے کہا کہ سیاحت کے فروغ اور معاشی سرگرمیوں کیلئے شاہراہ نگر اہمیت کا حامل منصوبہ ہے۔

وزیر اعلی نے کہا کہ اس منصوبے کی معیار اور رفتار کو ہر صورت یقینی بنایا جائے۔وزیر اعلی نے عمائدین ساس ویلی سے گفتگو کرتے ہوئے کہا کہ نگر اور ہنزہ آنے کا مقصد سیلاب سے متاثرہ علاقوں کی بحالی اور متاثرین کی مدد کو یقینی بنانا ہے۔ ساس ویلی میں بجلی کی کمی دور کرنے کیلئے اقدامات کئے ہیں۔

(جاری ہے)

ہسپر 2میگاواٹ اکتوبر تک مکمل ہوگا، سولر منصوبہ ٹینڈر کے مرحلے میں ہے۔

ہنزہ، نگر، سکردو سمیت جن علاقوں میں بجلی بحران ہے ان علاقوں کو ترجیح دی جائے گی۔ شاہراہ نگر کا ریویژن آخری مراحل میں ہے اس منصوبے پر جاری کام میں تیزی لائی جائے گی۔ہماری ترجیح بنیادی مسائل کو حل کرنا ہے۔ ہستال میں ادویات اور ڈاکٹرز کی کمی دور کریں گے۔ میری کوشش ہے کہ ساس ویلی کو سب ڈویژن بنائیں۔عمائدین ساس ویلی نے اس موقع پر وزیر اعلی کے دورہ نگر پر شکریہ ادا کرتے ہوئے کہا کہ مختصر مدت میں وزیر اعلی نے امن اور ترقی کیلئے جو انقلابی اقدامات کئے ہیں ان کی مثال نہیں ملتی ہے۔