مصر میں فوجی مشق "برائٹ سٹار 2025" کا آغاز، سعودی عرب کی شرکت

پیر 1 ستمبر 2025 08:30

قاہرہ (اُردو پوائنٹ اخبارتازہ ترین - اے پی پی۔ 01 ستمبر2025ء) مصر میں فوجی مشق "برائٹ سٹار 2025"کا آغازکردیا گیا۔ ایس پی اے کے مطابق سعودی وزارتِ دفاع کا کہنا ہے کہ مصر میں فوجی مشق برائٹ سٹار’النجم الساطع 2025‘ کا آغاز ہوگیا، سعودی عرب اوردوست و برادر ممالک کے دستوں کے ساتھ شریک ہے۔

(جاری ہے)

مسلح افواج کی تربیت اور اپ گریڈیشن کے نگران اعلی بریگیڈیئر عادل البلوی نے بتایا’مشترکہ مشقوں کا مقصد مختلف عسکری شعبوں میں تعاون کو فروغ دینا اور باہمی تجربے سے مستفید ہونا ہے۔

واضح رہے عسکری مشق ’النجم الساطع 2025‘ مصر کے محمد نجیب بیس پر ہو رہی ہے جس کا مرکزی ہدف دہشتگردی سے نمٹنے کےلیے کارروائیاں، غیرروایتی جنگ، لاجسٹک سپورٹ اور بحری سلامتی کے علاوہ طبی انخلا کے آپریشنز کئے جائیں گے۔فوجی مشق برائٹ سٹار میں شریک دستے لائیو ایمبونیش کے ساتھ فائرنگ کی مشق اور ہنگامی حالات سے نمٹنے کی بھی مشقیں کریں گے۔