منہاج القرآن انٹرنیشنل کے زیر ا ہتمام 42 ویں عالمی میلاد کانفرنس 11 اور 12 ربیع الاول کا منعقد ہو گی

پیر 1 ستمبر 2025 22:45

لاہور (اُردو پوائنٹ اخبارتازہ ترین - اے پی پی۔ 01 ستمبر2025ء) منہاج القرآن انٹرنیشنل کے زیر ا ہتمام 42ویں عالمی میلاد کانفرنس 11 اور 12 ربیع الاول 5اور 6ستمبر کی درمیانی شب ایوان اقبال لاہور میں منعقد ہو گی۔عالمی میلاد کانفرنس سے ڈاکٹر محمد طاہرالقادری خصوصی خطاب کریں گے۔ عالمی میلاد کانفرنس میں شرکت کے لئے کینیڈا اور لبنان سے شیوخ پاکستان پہنچ گئے ہیں۔

(جاری ہے)

گزشتہ روز منہاج القرآن کے مرکزی راہنماوں نے ناظم اعلی خرم نواز گنڈاپور کے ہمراہ ایوان اقبال لاہور کا دورہ کیا اور انتظامات کا جائزہ لیا۔ خرم نواز گنڈاپور نے اس موقع پر گفتگو کرتے ہوئے کہا کہ منہاج القرآن کی عالمی میلاد کانفرنس میں تمام مکتبہ فکر کے جید علما خطاب کریں گے۔ دریں اثنا آج 2 ستمبر منہاج القرآن کے مرکزی سیکرٹریٹ میں تاجر برادری کے اعزاز میں ضیافت میلاد کا اہتمام کیا گیا ہے۔ضیافت میلاد میں منہاج القرآن انٹرنیشنل کے صدر پروفیسر ڈاکٹر حسین محی الدین قادری سیرت مصطفی کے موضوع پر خطاب کریں گے۔