}لاہور ہائیکورٹ نے سوتیلی بیٹی سے زیادتی کے ملزم کی ضمانت مسترد

پیر 1 ستمبر 2025 20:20

/لاہور(اُردو پوائنٹ اخبارتازہ ترین - آن لائن۔ 01 ستمبر2025ء) لاہور ہائیکورٹ نے سوتیلی بیٹی سے زیادتی کے ملزم محمد ریاض کی ضمانت کی درخواست مسترد کر دی۔ جسٹس طارق محمود باجوہ نے درخواست پر سماعت کے بعد فیصلہ سنایا۔ملزم محمد ریاض کے خلاف تھانہ فیکٹری ایریا میں مقدمہ درج کیا گیا تھا۔ وکیل صفائی نے عدالت کو بتایا کہ مقدمہ متاثرہ لڑکی کی نانی کے بیان پر درج کیا گیا، جبکہ والدہ نے کسی قسم کا الزام نہیں لگایا۔

(جاری ہے)

وکیل نے مؤقف اختیار کیا کہ لڑکی سے زیادتی نہیں ہوئی اور ڈی این اے رپورٹ میں بھی الزام ثابت نہیں ہوا۔ انہوں نے مزید کہا کہ مقدمہ ایک سال کی تاخیر سے درج ہوا اور ملزم 11 ماہ سے جیل میں قید ہے۔سرکاری وکیل نے ضمانت کی مخالفت کرتے ہوئے کہا کہ پولیس تفتیش اور میڈیکل رپورٹ میں ملزم قصوروار پایا گیا، اور متاثرہ لڑکی نے بھی اپنے بیان میں واضح الزام عائد کیا کہ اس کے سوتیلے والد نے زیادتی کی۔ عدالت نے دلائل سننے کے بعد قرار دیا کہ اس مرحلے پر ملزم کو ضمانت نہیں دی جا سکتی اور یوں محمد ریاض کی درخواست ضمانت خارج کر دی گئی