Live Updates

ب*حضرت میاں میر ؒکا402 واں سالانہ عرس، افتتاح سیکرٹری اوقاف نے کیا

موجودہ سیلابی صورتحال میں متاثرین کیلئے خانقاہوں کے دروازے کھولنے کی ضرورت ہے، پارلیمانی سیکریٹری اوقاف ملک محمد وحید حضرت میاں میرؒ امن کے علمبردار اور انسان دوستی کے امین تھے، خطے میں باہمی رواداری کو فروغ دیا: سیکرٹری اوقاف ڈاکٹر طاہر رضا بخاری [ سالانہ عرس کے افتتاح کے موقع پر قومی یکجہتی، ملکی سامتی اور سیلاب متاثرین کے لیے خصوصی دٴْعا، تقریبات دو روز تک جاری رہیں گی

پیر 1 ستمبر 2025 21:30

ﷺ لاہور (اُردو پوائنٹ اخبارتازہ ترین - آن لائن۔ 01 ستمبر2025ء) سیکرٹری/چیف ایڈ منسٹریٹر اوقاف پنجاب ڈاکٹر طاہر رضا بخاری نے حضرت میاں میرؒ کی402 ویں سالانہ عرس مبارک کا افتتاح رسم چادرپوشی سے کیا۔ اس موقع پر "حضرت میاں میر ؒ بین المذاہب ہم آہنگی کانفرنس" کا خصوصی اہتمام کیا گیاجس سے پارلیمانی سیکرٹری اوقاف ملک محمد وحید، سیکرٹری اوقاف ڈاکٹر طاہر رضابخاری اور چیئرمین مرکزی رویت ہلال کمیٹی مولانا سیّد عبد الخبیر آزاد نے خطاب کرتے ہوئے کہاکہ صوفیا کی خانقاہیں خدمت خلق کا سب سے بڑا ادارہ ہیں۔

موجودہ سیلابی صورتحال میں متاثرین کیلئے خانقاہوں کے دروازے کھولنے کی ضرورت ہے۔ حکومت متاثرہ بستیوں کو سیلابی پانی سے محفوظ رکھنے کیلئے پوری طرح مستعد ہے۔ انہوں نے مزید کہا کہ حضرت میاں میرؒ نے خطے میں باہمی رواداری کو فروغ دیا۔

(جاری ہے)

حضرت میاں میرؒ امن کے علمبردار اور انسان دوستی کے امین تھے۔ کانفرنس سے خطاب کرتے ہوئے ڈائریکٹر جنرل مذہبی امورخالد محمود سندھو،چیئر مین امور مذہبیہ کمیٹی صاحبزادہ محمد شہزاد سلطان، مولانا شکیل الرحمن ناصر، مفتی عمران حنفی،مفتی محمد شفیق، علامہ سجادحسین جوادی و دیگر مقررین نے کہا کہ موجودہ حکومت دین اسلام کی آفاقی قدروں پر پختہ ایمان رکھتی اور ایسے روادارانہ فلاحی معاشرے کی تشکیل کے لیے کوشاں ہے جو پٴْر امن، بقائے باہمی،سماجی تحفظ، معاشرتی بہبود اور ایثار واخوت جیسے عنوانات سے مزّین ومنور ہو جس کے لیے علم وآگہی کی شمع کو فروزاں کیا جانا ازحد ضروری ہے تاکہ فکری اور نظریاتی سطح پر انتہا پسندی جیسے عناصر کی بیخ کنی ممکن ہو سکے۔

اس موقع پر ڈائریکٹر ایڈ منسٹریشن اوقاف محمد شاکر، ایڈمنسٹریٹرز اوقاف ایاز محمود لاشاری، شیخ جمیل احمد، امور مذہبیہ کمیٹی کے ممبران محمد فاروق مظہر خان، محمد اسلم ترین، شیخ محمد سعید، منیجر اوقاف گوہر مصطفی اوررانا احسان الحق سمیت زائرین اور عقیدت مندوں کی کثیر تعداد نے شرکت کی سعاد ت حاصل کی۔واضح رہے کہ دربار حضرت میاں میرؒ کے عرس شریف کی تقریبات دوروز تک جاری رہیں گی جس میں حضرت میاں میرؒ بین المذاہب ہم آہنگی کانفرنس، محفل نعت اور محفل سماع، سمیت دیگر ایونٹس شامل ہیں