Live Updates

دریائے راوی، ہیڈ سدھنائی کے مقام پر انتہائی اونچے درجے کا سیلاب

دریائے ستلج میں گنڈاسنگھ والا کے مقام پر بھی انتہائی اونچے درجے کا سیلاب‘ہیڈمرالہ اور ہیڈخانکی پر بھی پانی میں اضافہ

بدھ 3 ستمبر 2025 11:40

لاہور(اُردو پوائنٹ اخبارتازہ ترین - این این آئی۔ 03 ستمبر2025ء)دریائے راوی میں ہیڈ سدھنائی کے مقام پر انتہائی اونچے درجے کا سیلاب ہے، پانی کا بہاؤ ایک لاکھ 68 ہزار 260 کیوسک ریکارڈ کیا گیا ہے۔فلڈ فورکاسٹنگ ڈویژن لاہور کے مطابق دریائے ستلج میں گنڈاسنگھ والا کے مقام پر بھی انتہائی اونچے درجے کا سیلاب ہے جہاں پانی کا بہاؤ 2 لاکھ 70 ہزار کیوسک کے قریب پہنچ گیا ہے۔

دریائے چناب میں ہیڈ مرالہ اور ہیڈ خانکی پر پانی کی آمد میں اضافہ ریکارڈ کیا گیا ہے۔

(جاری ہے)

ہیڈ مرالہ پر پانی کا بہاؤ بڑھ کر 2 لاکھ کیوسک کے قریب پہنچ گیا جبکہ ہیڈ خانکی پر ایک لاکھ 61 ہزار کیوسک ہوگیااور دونوں مقامات پر اونچے درجے کا سیلاب ہے۔ دونوں ہیڈز پر درمیانے درجے کے سیلاب ہیں۔دریائے راوی میں ہیڈ جسڑ پر بھی پانی کی آمد میں اضافہ ہوا ہے، جہاں پانی کا بہائو 63 ہزار 720 کیوسک کے ساتھ نچلے درجے کا سیلاب ہے۔

ہید تریموں پر 3 لاکھ 99 ہزار کیوسک اور اونچے درجے کا سیلاب برقرار ہے۔ہیڈ سلیمانکی پر اونچے درجے کا سیلاب ہے جہاں پانی کا بہاؤ ایک لاکھ 24 ہزار کیوسک ریکارڈ کیا گیا جبکہ ہیڈ اسلام پر درمیانے درجے کا سیلاب ہے۔دوسری جانب دریائے سندھ میں گڈو، سکھر اور کوٹری پر نچلے درجے کے سیلاب برقرار ہیں۔