Live Updates

پنجاب میں پاک فوج کا ریسکیو اینڈ ریلیف آپریشن جاری ، سینکڑوں متاثرین محفوظ مقامات پر منتقل

بدھ 3 ستمبر 2025 13:10

اسلام آباد (اُردو پوائنٹ اخبارتازہ ترین - اے پی پی۔ 03 ستمبر2025ء) پنجاب میں پاک فوج کا ریسکیو اینڈ ریلیف آپریشن جاری ہے جس کے دوران سینکڑوں متاثرین کو محفوظ مقامات پر منتقل کر دیا گیا ہے۔

(جاری ہے)

بدھ کو جاری تفصیلات کے مطابق کھولڑہ پوائنٹ ، ہسو والی ،بدھوانہ ، جھنگ اور ضلع چنیوٹ میں پاک فوج اور سول انتظامیہ کا ریسکیو اینڈ ریلیف آپریشن جاری ہے، سیلاب سے متاثرہ علاقوں میں سینکڑوں افراد اور مال مویشیوں کو محفوظ مقامات پر منتقل کیا گیا، پاک فوج کے جوانوں نے کشتیوں کے ذریعے متاثرین کو ریسکیو کیا، پاک فوج نے سیلاب متاثرہ علاقوں میں امدادی کیمپ قائم کر دیے ہیں اور متاثرین کو کپڑے،راشن اور ادویات کی فراہمی کا سلسلہ بلا تعطل جاری ہے، سیلاب متاثرین کے لیے ان علاقوں میں فری میڈیکل کیمپ بھی قائم کر دئے گئے ہیں، ڈاکٹرز اور پیرا میڈیکل سٹاف، سیلاب متاثرہ علاقوں میں فری میڈیکل کیمپس میں خدمات انجام دے رہے ہیں، اب تک سینکڑوں بزرگ شہری ، خواتین اور بچوں کو محفوظ مقامات پر منتقل کیا جا چکا ہے ، سیلاب متاثرین نے پاک فوج کے کردار کو بے حد سراہا ہے۔