Live Updates

ں*وزیراعلیٰ مریم نواز شریف کی پنجاب ٹیم سیلاب زدگان کی خدمت کیلئے ہر جگہ سرگرم عمل

۹پاکپتن میں سیلاب زدگان کیلئے فلڈ ریلیف کیمپ قائم، ٹینٹ سٹی بھی سج گئے، سیلاب متاثرین کا ریڈ کارپٹ پر استقبال ٹینٹ سٹی میں سیلاب متاثرین کے قیام کیلئے بہترین انتظامات، ناشتہ، ظہرانہ اور عشائیہ پیش خدمت، فیلڈ ہسپتال موجود، ڈاکٹرز اور عملہ خدمت میں مصروف فلڈ ریلیف کیمپ میںمچھرماراور جراثیم کش ادویات کا سپرے،مویشیوں کیلئے مفت چارے کی فراہمی ،ستھرا پنجاب کی ٹیمیں بھی کیمپ کی صفائی پر مامور Cہمارا گھر سیلاب کی زد میں آگیا، ریسکیو ٹیمیں خود جاکر ریلیف کیمپ تک لائیں، نہ صرف ہمیں کھانا مل رہا بلکہ مویشیوں کیلئے چارہ بھی مہیا کیا جارہا ہی: سیلاب متاثرین

بدھ 3 ستمبر 2025 19:30

لاہور (اُردو پوائنٹ اخبارتازہ ترین - آن لائن۔ 03 ستمبر2025ء) وزیراعلیٰ مریم نواز شریف کی پنجاب ٹیم سیلاب زدگان کی خدمت کے لئے ہر جگہ سرگرم عمل ہے۔ پاکپتن میں سیلاب زدگان کے لئے فلڈ ریلیف کیمپ قائم کر دیا گیا اور ٹینٹ سٹی بھی سج گئے۔ سیلاب زدگان کے استقبال کے لئے فلڈ ریلیف کیمپ میں ریڈ کارپٹ بچھائے گئے۔ ٹینٹ سٹی میں سیلاب زدگان کے قیام کے لئے بہترین انتظامات کے ساتھ ناشتہ ،ظہرانہ اور عشائیہ بھی پیش خدمت کیا جارہا ہے۔

وزیراعلیٰ مریم نواز شریف کی ہدایت پر سیلاب زدہ فارمرکے مویشیوں کے لئے مفت چارے کی فراہمی جاری ہے۔ پاکپتن کے نواحی علاقے دھکڑ میں سیلاب متاثرین حکومت کے انتظامات پر خوش ہیں۔وزیراعلیٰ مریم نواز شریف کی ہدایت پر سیلاب زدگان کے لئے قائم ریلیف کیمپ میں مچھر مار اور جراثیم کش ادویات کا سپرے بھی کیا جارہا ہے۔

(جاری ہے)

ستھرا پنجاب کی ٹیمیں بھی فلڈ ریلیف کیمپ کی صفائی پر مامور ہیں۔

فلڈ ریلیف کیمپ میں متاثرین کے لئے فیلڈ ہسپتال موجود، ڈاکٹر اور عملہ سیلاب زدگان کی خدمت میں مصروف عمل ہیں۔ وزیراعلیٰ مریم نواز شریف کی طرف سے سیلاب متاثرہ خاندانوں کو تحائف بھی پیش کیے جارہے ہیں۔ فلڈ ریلیف کیمپ میں مقیم بزرگ خاتون نے بتایا کہ ’’ساڈے جانوراں نوں پٹھے وی دے رہے نیں، تے ساڈا وی خیال رکھدے نیں‘‘۔ دھکڑ فلڈ ریلیف کیمپ میں متاثرہ شخص نے کہا کہ ہمارا گھر سیلاب کی زد میں آگیا، ریسکیو ٹیمیں خود جاکر ریلیف کیمپ تک لائیں۔ فلڈ کیمپ میں مقیم فارمر نے کہا کہ نہ صرف ہمیں کھانا مل رہا بلکہ مویشیوں کے لئے چارہ بھی مہیا کیا جارہا ہے۔