سپریم کورٹ، بہن اپنے بھائی کو قاتلانہ حملے کے جھوٹے کیس میں ملوث نہیں کرسکتی، ملزم کی ضمانت مسترد

جمعرات 4 ستمبر 2025 16:11

اسلام آباد (اُردو پوائنٹ اخبارتازہ ترین - این این آئی۔ 04 ستمبر2025ء)سپریم کورٹ نے بہن پر قاتلانہ حملہ کرنے والے ملزم عارف کی ضمانت مسترد کردی ہے جبکہ عدالت عظمیٰ نے ریمارکس دیے کہ سگی بہن اپنے بھائی کو قاتلانہ حملے کے جھوٹے مقدمے میں ملوث نہیں کرسکتی۔سپریم کورٹ میں بہن پر اقدامِ قتل کیس کی سماعت جسٹس حسن اظہر رضوی اور جسٹس شہزاد ملک پر مشتمل 2 رکنی بینچ نے کی۔

(جاری ہے)

وکیل صفائی نے مؤقف اپنایا کہ جس گھر میں فائرنگ کا واقعہ پیش آیا، اس کا مالک وقوعہ کا گواہ نہیں، تاہم جسٹس شہزاد ملک نے ریمارکس دیے کہ خاتون اظہرہ کو سینے اور پیٹ پر گولیاں لگیں، معلوم نہیں وہ کیسے زندہ بچ گئیں۔انہوں نے کہا کہ سگی بہن اپنے بھائی کو قاتلانہ حملے کے کیس میں جھوٹا ملوث نہیں کرسکتی، لہٰذا ملزم کے خلاف الزامات سنگین نوعیت کے ہیں، عدالت نیملزم عارف کی ضمانت کی درخواست مسترد کردی۔