شہید محمد امین خان لالہ فٹ بال ٹورنامنٹ (آج)سے شروع ہو گا

جمعرات 4 ستمبر 2025 19:45

سوات (اُردو پوائنٹ اخبارتازہ ترین - این این آئی۔ 04 ستمبر2025ء)انتظار فٹ بال کلب بلوگرام سوات کے زیراہتمام شہید محمد امین خان لالہ فٹ بال ٹورنامنٹ (آج) جمعہ، 5 ستمبر سے بلوگرام گرائونڈ، سوات سے شروع ہو گا۔ ٹورنامنٹ کا افتتاحی میچ ینگ ایس ایس الیون اور عوامی ڈھیری کی ٹیمیں کے درمیان کھیلا جائے گا۔

(جاری ہے)

ٹورنامنٹ چیئرمین آرگنائزنگ کمیٹی امجد خان نے بتایا کہ ٹورنامنٹ کے تمام انتظامات مکمل کرلئے اور ٹورنامنٹ میں سوات کی مختلف 60 ٹیمیں حصہ لیں گی اور ٹورنامنٹ ناک آؤٹ سسٹم پر کھیلا جائے گا۔

شہید محمد امین خان لالہ ڈسٹرکٹ فٹ بال ایسوسی ایشن سوات سیاب خان کے بھائی اور سوات یوتھ فٹ بال اکیڈمی کے بانی ہیڈ کوچ محمد ایاز خان کے والد محترم تھے۔ واضح رہے کہ شہید محمد امین خان لالہ چند برس قبل 18 اکتوبر 2023 کو سوات میں دو فریقین کے درمیان جگڑے پر صلع کرواتے ہوئے ایک فریقین کی فائرنگ سے شہید ہوگئے تھے۔