Live Updates

نیدرلینڈز کے فاسٹ بولرویوین کنگما پر آئی سی سی کی پابندی عائد

بدھ 17 ستمبر 2025 12:36

ایمسٹردیم(اُردو پوائنٹ اخبارتازہ ترین - این این آئی۔ 17 ستمبر2025ء)نیدرلینڈز کے فاسٹ بولر ویوین کنگما پر انٹرنیشنل کرکٹ کونسل (آئی سی سی) کی جانب سے پابندی عائد کر دی گئی۔ اینٹی ڈوپنگ کوڈ کی خلاف ورزی پر ویوین کنگما پر پابندی لگائی گئی ہے۔ویوین کنگما کا ڈوپنگ ٹیسٹ مثبت آنے پر ان پر 3 ماہ کی پابندی لگائی گئی ہے۔آئی سی سی کرکٹ ورلڈ کپ لیگ ٹو کے دوران ویوین کنگما کا سیمپل لیا گیا تھا۔

(جاری ہے)

ویوین کنگما نے اپنی غلطی تسلیم کرتے ہوئے کہا ہے کہ منشیات مقابلوں کے دوران استعمال نہیں کیں۔ویوین کنگما پر پابندی کا اطلاق 15 اگست سے ہو چکا ہے۔ اس سے قبل 2022ء میں بھی آئی سی سی نے بال ٹیمپرنگ کرنے پر ویوین کنگما پر پابندی عائد کی تھی۔ویوین کنگما کو افغانستان کے خلاف میچ میں بال ٹیمپرنگ کرنے پر سزا سنائی گئی تھی اور ان پر 4 میچز کی پابندی عائد کی گئی تھی۔آئی سی سی کا کہنا تھا کہ کنگما نے 31ویں اوور میں ناخن سے گیند کی شکل بگاڑی تھی۔