پاکستان اورچین نے بی ٹو بی کانفرنس کے دوران آئی ٹی کے شعبہ میں تعاون کو فروغ دینے کےلئے مفاہمت کی 9 یادداشتوں پر دستخط

جمعہ 5 ستمبر 2025 14:40

اسلام آباد (اُردو پوائنٹ اخبارتازہ ترین - اے پی پی۔ 05 ستمبر2025ء) پاکستان اورچین نے بی ٹو بی کانفرنس کے دوران آئی ٹی کے شعبہ میں تعاون کو فروغ دینے کےلئے مفاہمت کی 9 یادداشتوں پر دستخط کئے ہیں ۔جمعہ کو وزارت آئی ٹی و ٹیلیکام سے جاری بیان کے مطابق وفاقی وزیربرائے انفارمیشن ٹیکنالوجی و ٹیلی کمیونیکیشن شزا فاطمہ خواجہ کے دورۂ چین میں دوسری پاک۔

چین بزنس ٹو بزنس کانفرنس کے دوران اہم ایم او یوز پر دستخط کئے گئے ہیں ۔ یہ معاہدے ابھرتی ہوئی ٹیکنالوجیز، ڈیجیٹل تعاون اور سرمایہ کاری کے فروغ پر مبنی ہیں۔

(جاری ہے)

ان معاہدوں میں وزارت آئی ٹی اینڈ ٹیلی کام اور ایم آئی آئی ٹی کے درمیان ابھرتی ہوئی ٹیکنالوجیز میں تعاون پرجی ٹو جی ایم او یو ،ہواوے ٹیکنالوجیز اور این ٹی سی پاکستان کے درمیان فائبرائزیشن اور سرکاری کنیکٹیویٹی میں جی ٹو جی تعاون کا معاہدہ ،علی بابا انٹرنیشنل ڈجیٹل کامرس اورایگنائیٹ کے درمیان کیپیسٹی بلڈنگ اور اشتراک کا جی ٹو بی ایم او یو ،وزارت آئی ٹی اینڈ ٹیلی کام اور پاک چائنا انویسٹمنٹ کمپنی لمیٹڈ (پی سی آئی سی ایل) کے درمیان جی ٹو بی ایم او یو ،وزارت آئی ٹی اینڈ ٹیلی کام اور زیڈ ٹی ای کے درمیان نوجوانوں کی تربیت اور سکل ڈویلپمنٹ پرجی ٹو بی معاہدہ ،وزارت آئی ٹی اینڈ ٹیلی کام اور چائنا سب میرین کیبل کنسٹرکشن کمپنی لمیٹڈ (سی ایس سی سی ) کے درمیان جی ٹو بی ایم او یو ،وزارت آئی ٹی اینڈ ٹیلی کام اور گووڈونگ گروپ کے درمیان جی ٹو بی ایم او یو ،پاکستان سافٹ ویئر ایکسپورٹ بورڈ (پی ایس ای بی) اور شنگھائی لِنگانگ انٹرنیشنل ڈیٹا انڈسٹری انسٹیٹیوٹ (ایس ایچ ایل آئی ڈی )کے درمیان جی ٹو بی ایم او یو اورپاکستان میں جدید ڈیٹا سینٹرز کے قیام کا سنگِ میل منصوبہ زیڈ ٹی ای اور سکائی 47کے درمیان ڈیٹا سینٹر کے معاہدوں پر دستخط شامل ہیں ۔