کینسر کے علاج کیلئے سابق امریکی صدر جوبائیڈن کی سرجری

2023 میں بھی جو بائیڈن کی چھاتی سے کینسر زدہ خلیہ نکالا گیا تھا،ڈاکٹرز

جمعہ 5 ستمبر 2025 14:42

واشنگٹن (اُردو پوائنٹ اخبارتازہ ترین - این این آئی۔ 05 ستمبر2025ء)کینسر کے علاج کیلئے سابق امریکی صدر جو بائیڈن کی سرجری کردی گئی۔ڈاکٹر کے مطابق سرجری کے ذریعے 82 سالہ جو بائیڈن کی جِلد سے کینسر زدہ خلیے نکال دیے گئے ہیں اور اب انہیں مزید علاج کی ضرورت نہیں ہے۔

(جاری ہے)

ڈاکٹرز کا کہنا تھا کہ 2023 میں بھی جو بائیڈن کی چھاتی سے کینسر زدہ خلیہ نکالا گیا تھا۔ترجمان جو بائیڈن نے بتایا کہ سابق صدر کی صحت بہتر ہو رہی ہے اور وہ مکمل آرام کر رہے ہیں۔امریکی میڈیا کے مطابق سابق صدر کے ترجمان نے یہ نہیں بتایا کہ سرجری کب ہوئی لیکن یہ خبر اس وقت سامنے آئی جب سوشل میڈیا ویڈیوز میں جو بائیڈن کے ماتھے پر زخم کے نشان دیکھے گئے۔