حضرت محمدؐ کی سیرت طیبہ پر عمل دنیا اور آخرت میں کامیابی کا ذریعہ ہے،گورنر پنجاب

جمعہ 5 ستمبر 2025 21:20

لاہور (اُردو پوائنٹ اخبارتازہ ترین - اے پی پی۔ 05 ستمبر2025ء) گورنر پنجاب سردار سلیم حیدر خان نے عید میلادالنبیؐ کے موقع پر اپنے پیغام میں کہا کہ آج ہم محسن انسانیت، رحمت اللعالمین ،خاتم النبین حضرت محمد صلی اللہ علیہ وسلم کی ولادت باسعادت کی خوشی منا رہے ہیں۔

(جاری ہے)

جشن عیدمیلاالنبیؐ کے موقع پر اپنے پیغام میں انہوں نے کہا کہ یہ وہ مبارک دن ہے جب رب کائنات نے محبوب کائنات حضرت محمدصلی اللہ علیہ وسلم کو تمام جہانوں کے لئے رحمت بنا کر بھیجا اور ساتھ ہی ختم نبوت کی مہربھی ثبت کر دی۔

آپ صلی اللہ علیہ وسلم کی سیرت طیبہ پر عمل دنیا اور آخرت میں کامیابی کا ذریعہ ہے۔ نبی آخرزماں حضرت محمد صلی اللہ علیہ وسلم نے امن، برداشت اور احترام انسانیت کا درس دیا۔ نبی پاک صلی اللہ علیہ وسلم نے محسن انسانیت ہیں۔ انہوں نے معاشرے کے مظلوم اور پسے ہوئے طبقات کو حقوق دیے۔ آج کے دن ہمیں یہ عہدکرنا ہے کہ ہم نبی پاک صلی اللہ علیہ وسلم کی تعلیمات پر عمل کریں گے۔ اللہ تعالی ہمیں آپؐ کی تعلیمات پر عمل کرنے کی توفیق عطا فرمائے ۔(آمین)