Live Updates

سیلابی صورتحال کے پیش نظر محکمہ ہائوسنگ کے افسران و اہلکاروں کی چھٹیاں منسوخ

تمام ذیلی اداروں کو متاثرہ اضلاع میں ریلیف آپریشن کے لیے متحرک رہنے کی ہدایت

جمعہ 5 ستمبر 2025 21:30

لاہور(اُردو پوائنٹ اخبارتازہ ترین - این این آئی۔ 05 ستمبر2025ء)صوبے میں سیلابی صورتحال اور متوقع بارشوں کے پیش نظر محکمہ ہائوسنگ پنجاب کے تمام ذیلی اداروں کے افسران و اہلکاروں کی چھٹیاں منسوخ کر دی گئی ہیں۔ سیکرٹری ہاسنگ نورالامین مینگل کی ہدایت پر اس سلسلے میں باضابطہ نوٹیفکیشن جاری کر دیا گیا ہے۔ترجمان محکمہ ہائوسنگ کے مطابق ڈویلپمنٹ اتھارٹیز، ہارٹیکلچر اور واسا ایجنسیاں متاثرہ اضلاع میں ریلیف آپریشن کے لیے وسائل فراہم کریں گی۔

(جاری ہے)

نوٹیفکیشن کے مطابق ڈویلپمنٹ اتھارٹیز اور ہارٹیکلچر ایجنسیاں متعلقہ اضلاع کو ہر ممکن سپورٹ فراہم کریں گی۔فلڈ ریلیف کیمپس میں پینے کے صاف پانی کی بلا تعطل فراہمی یقینی بنائی جائے گی جبکہ افسران کو ہدایت کی گئی ہے کہ وہ متعلقہ اضلاع کے ریلیف کیمپس میں 24 گھنٹے موجود رہیں۔ ترجمان کے مطابق ڈویلپمنٹ اتھارٹیز اور ہارٹیکلچر ایجنسیوں کے افسران و ملازمین واسا کے ڈسپوزل پر کام کریں گے تاکہ ریلیف آپریشن کو مزید مثر اور تیز بنایا جا سکے۔