Live Updates

وزیراعلی پنجاب کی ہدایات پر ریلیف آپریشن میں تیزی

صاف پانی اتھارٹی اور واسا ایجنسیاں متاثرین کو ریلیف فراہم کرنے میں سرگرم

جمعہ 5 ستمبر 2025 21:30

لاہور(اُردو پوائنٹ اخبارتازہ ترین - این این آئی۔ 05 ستمبر2025ء)وزیراعلی پنجاب کی خصوصی ہدایات پر محکمہ ہائوسنگ پنجاب کے زیر انتظام صاف پانی اتھارٹی اور واسا ایجنسیوں نے سیلاب متاثرین کے لیے فلڈ ریلیف آپریشن میں اہم کردار ادا کیا۔ ترجمان محکمہ ہائوسنگ کے مطابق پنجاب صاف پانی اتھارٹی نے نارتھ، ساوتھ اور سنٹرل زون کے 9 اضلاع میں 1 لاکھ 6 ہزار لیٹر پانی کی فراہمی یقینی بنائی، جس سے 35 ہزار سے زائد متاثرہ شہریوں کو پینے کا صاف پانی فراہم کیا گیا۔

(جاری ہے)

اسی طرح 15 اضلاع میں واسا ایجنسیوں نے 37 واٹر باوزرز کے ذریعے متاثرین تک صاف پانی پہنچایا۔سیکرٹری ہائوسنگ نورالامین مینگل نے گجرات کا ہنگامی دورہ کیا اور شدید بارش سے متاثرہ علاقوں میں جاری ریلیف آپریشن کی براہ راست نگرانی کی۔ انہوں نے جی ٹی روڈ کے اطراف 1 کلومیٹر طویل عارضی سیوریج ڈرین کی کھدائی، ڈی سی بند کی مضبوطی، لورائی، ڈسپوزل بولا اور ریور گارڈن سمیت مختلف مقامات پر آپریشنز کا تفصیلی جائزہ لیا۔ترجمان کے مطابق وزیراعلی پنجاب کی ہدایات پر تمام افسران اور فیلڈ اسٹاف متاثرہ علاقوں میں موجود رہے اور ریلیف سرگرمیوں کو تیز رفتار اور مثر بنانے کے لیے دن رات کام کر رہے ہیں۔