انجمن تاجران کانیلا گنبد زیر زمین پارکنگ پلازہ منصوبے پرآغاز کا خیر مقدم

ملحقہ مارکیٹوں کے تاجروں کو بھی مشاورت کے عمل میں شامل کریں ‘ مرکزی رہنما شہزا د اشرف بھٹی

اتوار 7 ستمبر 2025 12:50

لاہور(اُردو پوائنٹ اخبارتازہ ترین - این این آئی۔ 07 ستمبر2025ء)آل پاکستان انجمن تاجران کے مرکزی رہنما شہزاد اشرف بھٹی نے نیلا گنبد زیر زمین پارکنگ پلازہ منصوبے پر باقاعدہ کام کے آغاز کا خیر مقدم کرتے ہوئے کہا ہے کہ امید ہے کہ ذمہ دار افسران ملحقہ مارکیٹوں کے تاجروں کو بھی مشاورت کے عمل میں شامل کریں گے تاکہ منصوبہ تکمیل کے بعد سو فیصد کامیابی سے ہمکنار ہو سکے ۔

(جاری ہے)

شہزاد اشرف بھٹی نے کہا کہ ہمیں بتایا گیا ہے کہ حکومت یہاں پر اسٹیٹ آف دی آرٹ3منزلہ زیر زمین پارکنگ پلازہ تعمیر کرے گی جبکہ نیلا گنبد کی بحالی ،پارکنگ پلازہ کے اپرایریا کی بحالی پر الگ سے فنڈز خرچ کئے جائیں گے ۔ انہوں نے کہا کہ اس منصوبے کی تکمیل سے انار کلی سمیت ملحقہ بازاروں اور مارکیٹوں میں پارکنگ کے دیرینہ مسائل کے حل میں مدد ملے گی جس کے تاجروں کے کاروبار پر بھی مثبت اثرات پڑیں گے۔ انہوں نے کہا کہ ہم پیرا فورس کی تجاوزات کے خاتمے کے لئے آپریشن کی بھی حمایت کرتے ہیں لیکن ہم یہ مطالبہ بھی کرتے ہیں کہ جن لوگوں کے پاس روزگار کمانے کے لئے مناسب جگہ نہیں ہے ان کی مدد کی جائے اور انہیں مناسب جگہیں فراہم کی جائیں۔