رواں سال 29ہزار تارکین وطن کا غیر قانونی برطانیہ پہنچنے کا انکشاف

فرانس کے ساتھ ون آن ون معاہدے کے تحت جلد ملک بدری شروع ہوگی،وزیرداخلہ

پیر 8 ستمبر 2025 12:05

لندن(اُردو پوائنٹ اخبارتازہ ترین - این این آئی۔ 08 ستمبر2025ء)رواں سال 29 ہزار سے زائد افراد غیر قانونی طور پر برطانیہ میں داخل ہوئے۔برطانوی میڈیا کی رپورٹ کے مطابق برطانیہ میں غیر قانونی تارکین وطن کی آمد کا سلسلہ جاری ہے اور اس سال اس میں اضافہ ہوا ہے۔

(جاری ہے)

رپورٹ کے مطابق سال 2025 میں اب تک 29 ہزار تارکین وطن چھوٹی کشتیوں میں غیر قانونی طریقے سے برطانیہ پہنچے جب کہ سال 2024 میں اگست کے مہینے تک یہ تعداد 21 ہزار تھی۔اس حوالے سے ہوم سیکرٹری شبانہ محمود نے کہا کہ انسانی اسمگلر سرحدی سیکیورٹی کے لیے خطرہ ہیں، فرانس کے ساتھ ون آن ون معاہدے کے تحت جلد ملک بدری شروع ہوگی۔