پاکستان نے افغانستان کو 75 رنز سے ہرا کر سہ ملکی T20 سیریز جیت ل

پیر 8 ستمبر 2025 17:53

شارجہ (اُردو پوائنٹ اخبارتازہ ترین - این این آئی۔ 08 ستمبر2025ء)سہ ملکی ٹی ٹوئنٹی سیریز کے فائنل میں پاکستان نے افغانستان کو 75 رنز سے شکست دے دی، محمد نواز نے آل راؤنڈر پرفارمنس دی۔پاکستان نے افغانستان کے خلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹ پر 141 رنز بنائے اور 142 رنز کا ہدف سیٹ کیا تھا۔افغانستان کی ٹیم 66 رنز پر ڈھیر ہو گئی، کپتان راشد خان 17 رنز کے ساتھ ٹاپ اسکورر رہے جبکہ صدیق اللّٰہ 13 رنز بنا کر پویلین لوٹے اور کوئی کھلاڑی خاطر خواہ پرفارمنس نہ دکھا سکا۔

آل راؤنڈر محمد نواز نے میچ میں 25 رنز بنانے اور ساتھ ہی ہیٹ ٹرک سمیت 5 وکٹیں صرف 19 رنز کے عوض اپنے نام کر لیں، سفیان مقیم اور ابرار احمد نے 2، 2 کھلاڑی آؤٹ کیے۔محمد نواز آج کی پرفارمنس کے ساتھ سیریز میں سب سے زیادہ 10 وکٹ لینے والے کھلاڑی بھی بن گئے، اُن کے بعد راشد خان نے 9 وکٹ لی ہیں۔

(جاری ہے)

پاکستان ٹیم میں ایک تبدیلی کی گئی تھی، سلمان مرزا کی جگہ سفیان مقیم کو شامل کیا گیا تھا۔

پاکستانی اسکواڈ کپتان سلمان علی آغا، صاحبزادہ فرحان، صائم ایوب، فخر زمان، حسن نواز، محمد حارث، فہیم اشرف، شاہین آفریدی، سفیان مقیم اور ابرار احمد پر مشتمل تھا۔تماشائیوں کی بڑی تعداد میچ شروع ہونے سے کئی گھنٹے پہلے ہی شارجہ اسٹیڈیم پہنچ گئی تھی۔شارجہ میں آج موسم خاصا گرم تھا، شدت 52 سینٹی گریڈ محسوس کی جا رہی تھی۔پاکستان، افغانستان اور متحدہ عرب امارات کے درمیان ہونے والی سیریز میں یو اے ای ٹیم کو اپنے 4 میچز میں شکست کا سامنا کرنا پڑا تھا۔